ბილი აილიშის თქმით, მესამე სტუდიური ალბომის, Hit Me Hard and Soft-ის გამოშვებამდე ერთი თვე დარჩა. მართალია, მომღერალმა წინასწარ განაცხადა, რომ არ აპირებს ალბომის გამოცემამდე სინგლების გამოშვებას, Apple Music-თან მიცემულ ინტერვიუში მან მაინც გადაწყვიტა წესები ცოტათი დაერღვია და ერთ-ერთი ტრეკის 15-წამიანი ფრაგმენტი გამოაქვეყნა.
სიმღერა სახელწოდებით Chihiro სტუდია გიბლის ანიმაციური ფილმის, Spirited Away-ს შთაგონებით არის შექმნილი, სადაც მთავარ გმირს სწორედ ეს სახელი ჰქვია. აღსანიშნავია, რომ ბილი აილიში ჰაიაო მაიძაკის ანიმაციების დიდი ხნის თაყვანისმცემელია და ხუმრობითაც თქვა, რომ Spirited Away-ს პერსონაჟ დრაკონზე შეყვარებულიც იყო.
„ყოველთვის, როცა რაიმეს ვაქვეყნებ, ისეთი შეგრძნება მაქვს, თითქოს ჩემი სხეულის შიშველ ფოტოებს ვდებ, ვფიქრობ კონკრეტულად ეს სიმღერაც ასეთია“. – თქვა ბილი აილიშმა.
ბილი აილიშის მესამე სტუდიური ალბომი Hit Me Hard and Soft 17 მაისს გამოვა. მუსიკოსის დებიუტი 2019 წელს ალბომ When We All Fall Sleep, Where Do We Go?-ით შედგა, 2021 წელს კი ალბომი Happier Than Ever გამოუშვა. ორივე ალბომი ბილბორდ 200-ის სათავეში სამი კვირის განმავლობაში ლიდერობდა.
ნახეთ ბილი აილიშის ინტერვიუ ზეინ ლოუსთან:
