ემინემის ფანებს კიდევ უფრო მეტი მიზეზი ექნებათ დამოუკიდებლობის დღის აღსანიშნავად – რეპერმა ახალი ალბომის მეორე სინგლის გამოცემა დააანონსა.
კომპოზიციაში, სახელწოდებით Tobey, მუსიკოსი რეპერების სამ სხვადასხვა თაობას აკავშირებს: თავად ემინემი, Babytron და Big Sean. სოციალურ ქსელში ემინემმა სიმღერის საშინელებათა ჟანრის ვიდეოს ტრეილერი გამოაქვეყნა. ვიდეოში რეპერს ჯეისონ ვურჰისის ნიღაბი უკეთია, ელექტრო ხერხს ქოქავს და ჭრის სხეულს, საიდანაც სისხლი ასხამს. Babytron და Big Sean კი ემინემს მშვიდად უყურებენ.
„GTA6-მდე ემინემი და BabyTron გამოვიდა,” – წერენ ფანები კომენტარებში.
რეპერისთვის ეს BabyTron-თან პირველი, ხოლო Big Sean-თან მეოთხე თანამშრომლობაა.
კომპოზიცია 2 ივლისს გამოვა, ხოლო მასზე გადაღებული ვიდეოკლიპი – 5 ივლისს. ემინემის რიგით მე-12 სტუდიური ალბომის The Death of Slim Shady (Coup De Grâce) გამოცემა კი ამ ზაფხულს იგეგმება.
51 წლის რეპერმა ახალი ალბომი სინგლით Houdini წარადგინა. სიმღერა Billboard Hot 100-ის მეორე ადგილზე გავიდა, რაც ბოლო ათწლეულის განმავლობაში ემინემის საუკეთესო შედეგია.
ნახეთ Tobey-ის ტრეილერი:
