არიანა გრანდემ ინსტაგრამზე ხმის ჩამწერ სტუდიაში გადაღებული კადრები გააზიარა, რომელიც მისი ალბომის, Eternal Sunshine-ის გამოსვლიდან 4 თვის აღსანიშნად გამოაქვეყნა. ვიდეო კადრებში ჩანს არიანა გრანდე, რომელიც სინგლების We Can’t Be Friends (Wait for Your Love) და The Boy Is Mine-ისთვის ვოკალს ასწორებს. ერთ მონაკვეთში კი ის კამერაში საუბრობს და ამბობს: „ვფიქრობ აქ რაღაც განსაკუთრებულია.“
სხვა კადრებში პოპ-ვარსკვლავი პროდიუსერებთან მაქს მარტინთან და ილიასთან ერთად ჩნდება. ერთ მომენტში კი არიანა სელფის კამერით მაქს მარტინს იღებს, რომელსაც სამი თეთრი კურდღლის ფილტრი ადევს.
„მინდოდა კიდევ გამეზიარებინა რამდენიმე კადრი ჩემი საყვარელი eternal sunshine-ის სტუდიური მოგონებებიდან, ეს კადრები ძალიან მახარებს. არ მჯერა, რამდენი რამ მოხდა უკვე, ან თუნდაც ის, რომ უკვე ოთხი თვე გავიდა.“- წერს არიანა გრანდე.
„მადლობელი ვარ ყველა იმ მშვენიერი მოგონებებისთვის და ყველაფრისთვის, რაც მომავალში იქნება. ყველანი ძალიან მიყვარხართ.“
სტუდიაში რამდენიმეკვირიანი მუშაობის შემდეგ, ალბომი Eternal Sunshine 8 მარტს გამოვიდა. მისი დებიუტი ბილბორდ 200-ში შედგა, სადაც პირველ ადგილს ალბომი ორი კვირის განმავლობაში იკავებდა.
ცოტა ხნის წინ არიანა გრანდემ მუსიკალური კლიპი The Boy Is Mine გამოსცა, სადაც პენ ბეჯლი მონაწილეობს.
ნახეთ არიანა გრანდეს ინსტაგრამ პოსტი:
