2024 წლის პარიზის ოლიმპიადის დახურვის ცერემონიაზე არაერთი ვარსკვლავი წარდგა. მათ შორის იყვნენ ბილი აილიში, Red Hot Chili Peppers, Snoop Dogg და Dr. Dre, რომლებიც ცერემონიას მომავალი ოლიმპიადის მასპინძელი ლოს-ანჯელესიდან შეუერთდნენ.
მას შემდეგ, რაც პარიზში ოლიმპიური ცეცხლი ჩააქრეს, დახურვის ცერემონიამ ლოს-ანჯელესში გადაინაცვლა, სადაც 4 წელიწადში 2028 წლის ოლიმპიური თამაშები გაიმართება. ვარსკვლავებით დახუნძლული საღამო, რომელიც ლოს-ანჯელესის სანაპიროზე შედგა, ერთგვარი წარდგენა და ესტაფეტის გადაცემა იყო შემდეგი ოლიმპიური თამაშების მასპინძელი ქალაქისთვის.
ესტაფეტის გადაცემაში მონაწილეობა მიიღო ჰოლივუდის ვარსკვლავმა ტომ კრუზმაც. მსახიობმა მისთვის ჩვეული აკრობატული ილეთი შეასრულა და „შეუსრულებელი მისიის” მუსიკალური თემის ფონზე Stade de France-იდან დაეშვა. შემდეგ კი ოლიმპიური დროშა ლოს-ანჯელესში ჩაიტანა და ოლიმპიურ სიმბოლოდ გადაკეთებულ ცნობილ Hollywood-ის ნიშანთან ის სპორტსმენებს გადასცა.
უშუალოდ Პარიზში გამართულ ცერემონიაზე ასევე წარდგნენ ფრანგული როკბენდი Phoenix ორი სიმღერით, ფრანგი მომღერალი Yseult, რომელმაც My Way შეასრულა და ამერიკელი მუსიკოსი H.E.R, რომელმაც მომავალი ოლიმპიადის მასპინძლის პატივსაცემად აშშ-ის ეროვნული ჰიმნი იმღერა.
დახურვის ცერემონიის ლოს-ანჯელესის ნაწილში კი Red Hot Chili Peppers-მა Can’t Stop იმღერა მათი 2002 წლის ალბომიდან By the Way. ბილი აილიშმა ფინეასთან ერთად Birds of a Feather შეასრულა – სინგლი ალბომიდან Hit Me Hard and Soft. Snoop Dogg-მა კი მისი ადრეული 2000-იანების ჰიტები გააცოცხლა: Drop It Like It’s Hot და The Next Episode Dr. Dre-სთან ერთად.
ნახეთ პარიზის 2024 წლის ოლიმპიადის დახურვის ცერემონიის ვიდეოები:
BILLIE PERFORMING BIRDS OF A FEATHER AT THE OLYMPICS pic.twitter.com/4RnchcKq0R
— emy (@emysbill) August 11, 2024
With the #Olympics coming to LA in 2028…
— Dr. Dre Radar (@dreradar_) August 11, 2024
It only makes sense to have Snoop Dogg & Dr. Dre perform to celebrate 🐐🐐 pic.twitter.com/1YOoC3LJZf
Red Hot Chili Peppers con “Can’t Stop” para recibir los juegos olímpicos Los Angeles 2028 !
— RHCP Argentina (@ChiliPeppersArg) August 11, 2024
Esto fue grabado ayer a la tarde en Long Beach, California.
La banda también tocó “Eddie” en vivo pero no fue transmitido.
🎥 Claro Sports pic.twitter.com/ntTfzVn1NG
Phoenix pour la #CeremonieDecloture , le groupe qu’on aime pour l’ambiance. Les rageux vont voir juste la femme voilée derrière.
— 8 Gates (@8_gates_Actu) August 11, 2024
Exceptionnel pic.twitter.com/YX5EMqCySM
