ქართული ბენდი Psychonaut 4 მსოფლიო მეტალ სცენის ერთ-ერთი ცნობილი ჯგუფია, რომელსაც უამრავ ქვეყანაში გულშემატკივრების დიდი აუდიტორია ჰყავს. მრავალი წელია, ბენდი ტურნეების ფარგლებში სხვადასხვა ქვეყანაში მართავს კონცერტს. ახლახან ბენდი მრავალათასიანი აუდიტორიის წინაშე მექსიკის ქალაქ ლეონში გამართულ შოუზე წარდგა. „მექსიკა, დაუჯერებელია! მადლობა,” – ამ სათაურით Psychonaut 4 სცენაზე გადაღებულ ფოტოს აქვეყნებს.
ბენდი 2010 წელს თბილისში ჩამოყალიბდა. Psychonaut 4-ს ამ დროსათვის გამოცემული აქვს ალბომები: Have a Nice Trip (2012), Dipsomania (2015), Neurasthenia (2016), Children of the Night (2018), Beautyfall (2020), Scrapes from the Past (2022). ჯგუფის უახლესი ალბომი სახელწოდებით …Of Mourning კი 25 ოქტომბერს გამოიცემა.
მოუსმინეთ Psychonaut 4-ის მუსიკას ბენდის Spotify-ის ოფიციალურ გვერდზე.
