მუსიკოსმა, სიმღერების ავტორმა და პროდიუსერმა ქეთათომ (Lua) რამდენიმე დღის წინ მუსიკალური კლიპი More Than Forever გამოუშვა. სიმღერის ფროდაქშენი თავად ქეთათოს გაკეთებულია, საქსოფონი ლაშა საყვარელიძეა, ელექტრო გიტარა – ზუკა სიმონიშვილი, ბასი – სანდრო კიკნაძე, დრამი – სოსო ცაგარეიშვილი, მიქსინგი და მასტერინგი კი გიო ქორიძეს ეკუთვნის.
ქეთათო ნერგაძე (Lua)
„მთელი ზაფხული ვიყავი თბილისში და ვწერდი ალბომს. ეს ტრეკიც ამ ზაფხულის პერიოდში ჩავწერე. კლიპი სპონტანურად ჩემი ვიდეო არქივიდან დავამონტაჟე, ის რაც წელს გადავიღე. ძალიან მოუხდა დაუგეგმავი და ბუნებრივი კადრები და მერე გამიჩნდა იდეა, რომ ეს ყველაფერი კლიპად მექცია.
თვითონ სიმღერაც კონცეპტუალურად იმაზე არის, რაზეც ტექსტში ვსაუბრობ.”
ვიდეოკლიპში სპონტანურად გადაღებული კადრების ერთობლიობა სიმშვიდის და სიახლოვის განწყობას ქმნის, რომელიც მსმენელამდე ყოველგვარი ბარიერის გარეშე მიდის. ბუნებრივი, დაუგეგმავი კადრები დოკუმენტურად გადმოსცემს კლიპის სიუჟეტს. შესაძლოა, სიმღერის ტექსტში სათქმელი პირად განწყობას და ემოციებს გადმოსცემს, თუმცა მისი შინაარსი ბევრად გლობალურია და ერთგვარად სხვებისთვისაც მოტივაციის მიმცემიც.“
მოისმინეთ ქეთათო ნერგაძის სიმღერა More Than Forever
