17 ოქტომბერს კლუბი KHIDI მასპინძლობს სახელოვნებო პლატფორმა „მექანიკური ტალღების” აუდიოვიზუალურ ღონისძიებას სახელწოდებით „არახელსაყრელი მეტეოროლოგიური პირობები”. „მექანიკური ტალღები” აუდიოვიზუალური ღონისძიებების სერიას სეზონურად წარადგენს და KHIDI შემოდგომის სეზონის მასპინძელია.
პროექტის ფარგლებში ბერლინში მოღვაწე არტისტები – GRAND RIVER და Marco Ciceri აუდიტორიის წინაშე წარდგებიან აუდიოვიზუალური ნაწარმოებით „ნისლი“. აუდიტორია ასევე მოისმენს ადგილობრივი სცენის გამორჩეული მულტიმედიური შემსრულებლის, ანდრო გოგიბედაშვილის, იგივე SAPHILEAUM-ის მუსიკალურ პერფორმანსს სახელწოდებით Muzika Utulivu. SAPHILEAUM პერფორმანსს ვიზუალურ არტისტ მიმი მელაშვილთან თანამშრომლობით წარადგენს.
როგორც პროექტის აღწერაშია მითითებული, აუდიოვიზუალური ღონისძიებების სერია „არახელსაყრელი მეტეოროლოგიური პირობები” არა მხოლოდ დაუვიწყარი გამოცდილების შექმნას და აუდიტორიისთვის მის გაზიარებას ისახავს მიზნად, არამედ ასევე ცდილობს, რომ ადამიანებმა იპოვონ ბალანსი ტექნოლოგიურ წინსვლასა და გარემოს დაცვას შორის.
პროექტის მხარდამჭერები არიან “თბილისი – იუნესკოს მედია ხელოვნების ქალაქი” და კლუბი KHIDI.
ბილეთების შესაძენად ეწვიეთ ბმულს.
