ქართველმა ჰიპ-ჰოპ არტისტმა ფსევდონიმით Aprilee მუსიკალურო ვიდეო გამოუშვა, რომელიც გადაღებულია ტრეკზე Rerender.
Aprilee-მ მუსიკალური კარიერა 2019 წელს დაიწყო. არტისტის ალტერნატიული ჰიპ-ჰოპი მოიცავს არაერთ ქვეჟანრს, მათ შორის არის Old School და Trap.
„ლირიკულ ნაწილში მომწონს, როცა მსმენელი არაა დარწმუნებული, თუ სად ვხუმრობ და სად ვარ სერიოზული. ამ ტრეკშიც ბევრი ასეთი გადახვევაა,” – აღნიშნავს მუსიკოსი Billboard Georgia-სთან საუბრისას და ამბობს, რომ ეს არის ერთგვარი უშუალო დიალოგი მსმენელთან. როგორც თავად არტისტი განმარტავს, Rerender ჟანრობრივად Trap-ის და Jungle-ს სინთეზია.
Aprilee:
„კლიპის გადაღებაში თორნიკე ჩაჩანიძე დამეხმარა. ვიდეო გადაღებულია Plusone-ის სივრცეში. კარს მიღმა ლაივი მიმდინარეობდა. დიჯეები უკრავდნენ და ხალხი ცეკვავდა. ჩვენ კი პარალელურად სპირიტულ აქტში ვიყავით გართულები.”
