როგორც ჩანს, სტინგი სულაც არ ღელავს იმ ფაქტზე, რომ მისი ჰიტი Every Breath You Take უკვე დისკრედიტებულ Diddy-სთან იკვეთება.
Los Angeles Times-თან ინტერვიუში ჯგუფ Police-ის სოლისტს ბენდის 1983 წლის საკულტო ჰიტის შესახებ ჰკითხეს – რომლის მელოდიაც Diddy-მ თავის სიმღერაში I’ll Be Missing You გამოიყენა – თუ რას გრძნობდა მუსიკოსი ახლა, როცა შონ კომბსი სექსუალური ძალადობის არაერთი ბრალდებისთვისაა დაპატიმრებული.
„მე არ ვიცი, რა მოხდა დიდის შემთხვევაში,” – ამბობს სტინგი. „მაგრამ ეს სრულიად არ ბღალავს ჩემს სიმღერას. ის მაინც ჩემი სიმღერაა.”
გამოსვლისთანავე ჰიტმა რვა კვირა გაატარა Billboard Hot 100-ის სათავეში და დღემდე The Police-ის ერთადერთი ჩარტების ლიდერი სიმღერაა. 14 წლის შემდეგ კი Diddy-მ ფეით ევანსსა და 112-თან ერთად I’ll Be Missing You გამოსცა, რომელიც გარდაცვლილ Notorious B.I.G-ის ეძღვნებოდა და რომელშიც სტინგის Every Breath You Take-ის მელოდია იყო გამოყენებული. Diddy-ს სიმღერამ „ბილბორდის” ჩარტის პირველ ადგილზე უკვე 11 კვირა გაატარა.
Diddy 16 სექტემბერს სექსუალური ძალადობის, სექსტრეფიკინგისა და სხვა არაერთ ბრალდებით დააკავეს. მას გირაოს სანაცვლოდ გათავისუფლებაზე არაერთხელ ეთქვა უარი და ამჟამად სასამართლო პროცესს ელოდება, რომელიც 2025 წლის 5 მაისს არის ჩანიშნული.
ამასობაში სტინგი კიდევ ერთ ტურნეში იმყოფება, როგორც ტრიოს წევრი გიტარისტ დომინიკ მილერთან და დრამერ კრის მაასთან ერთად – სცენა რომელიც არც ისე შორსაა The Police-ის სამკაციანი შემადგენლობისგან ენდი სამერსთან და სტიუარტ კოუპლენდთან ერთად. როგორც ჩანს, ამ ირონიას კარგად აცნობიერებს თავად სტინგიც. „მე არასდროს დამიტოვებია Police,” – აღნიშნა მან Times-სთან საუბრისას. „არც ვიცი, რა გავაკეთე. უბრალოდ სიმღერა ჩავწერე, როგორც ამას სხვები აკეთებდნენ. შემდეგ კი ამით უფრო ვისიამოვნე, ვიდრე ბენდში ყოფნით. და, აი, ახლა ისევ აქ ვარ. ჩემი მთელი სახეცვლილება სიურპრიზია. არ მინდა, ხალხი დარწმუნებული იყოს იმაში, თუ რას გავაკეთებ შემდგომ. ეს არის ჩემთვის მუსიკის არსი. ამ ეტაპზე კი ამ ტრიოს არავინ ელოდა.”
