პოლ მესკალი, როგორც ჩანს, Lonely Hearts Club Band-ს უერთდება. კრისტოფერ ნოლანთან საუბრის დროს, გლადიატორის მეორე ნაწილის ჩვენების შემდეგ, რიდლი სკოტმა თავისი ახალი პროექტი განიხილა – თრილერი სახელწოდებით The Dog Stars. ხოლო კითხვაზე, ითამაშებდა თუ არა მესკალი ახალ ფილმშიც, რეჟისორმა აღნიშნა, რომ, სავარაუდოდ, ეს არ მოხერხდება, რადგან მსახიობი Sony Pictures-ის Beatles-ის პროექტში მონაწილეობს.
„პოლი დატვირთულია, ამის შემდეგ Beatles-ის პროექტი აქვს. ასე რომ, ალბათ მისი გაშვება მომიწევს,” – თქვა სკოტმა, The Hollywood Reporter-ის ინფორმაციით. თავად „სონის” მესკალთან თანამშრომლობა ჯერჯერობით არ დაუდასტურებია.
წლის დასაწყისში Sony Pictures Entertainment-მა Beatles-ის შესახებ ოთხი დამოუკიდებელი ბიოგრაფიული ფილმის გამოცემა დააანონსა. თითოეული ფილმი ბენდის თითო წევრს მიეძღვნება. პროექტს ოსკაროსანი რეჟისორი სემ მენდესი გადაიღებს, რომელსაც ეკუთვნის American Beauty (1999), Skyfall (2012) და 1917 (2019).
„პატივი მაქვს, ყველა დროის ყველაზე დიდი როკბენდის ისტორია მოვყვე,” – აღნიშნა მენდესმა.
Beatles-ს Hot 100-ის ისტორიაში ყველაზე ბევრი ლიდერი სიმღერა აქვს (20), დაწყებული 1964 წლის I Want to Hold Your Hand-ით, დასრულებული 1970 წლის The Long and Winding Road/For You Blue-თი. Billboard 200-ში კი ბენდს 19 ლიდერი ალბომი აქვს.
