მსმენელი კვლავაც ელოდება კანიე უესტის დაანონსებული სოლო ალბომის, Bully-ს გამოსვლას. იქამდე კი უესტი, რომელიც ამჟამად ცნობილია სასცენო სახლით – Ye, კვლავაც აგრძელებს პრომო კამპანიას Ty Dolla $ign-თან ერთად ჩაწერილი ალბომისთვის – Vultures 2. არტისტებმა 8 იანვარს გაავრცელეს ახალი მუსიკალური ვიდეო, რომელიც გადაღებულია ტრეკზე, სახელწოდებით 530.
შავ-თეთრი აბსტრაქტული კლიპი ხელოვნური ინტელექტის გამოყენებით არის შექმნილი. სიუჟეტი დამაინტრიგებელია. მასში გადმოცემულია შინაარსი იმაზე, თუ როგორ მიმართავენ ქალები კოსმეტიკურ ცვლილებებს, რათა სილამაზის სტანდარტები დააკმაყოფილონ. არტისტებმა ამ შინაარსის გადმოსაცემად კლიპში მარიონეტები გამოიყენეს.
530 მრავალმხრივ შინაარსს შეიცავს, რომელშიც Ye (კანიე უესტი) რთულ ურთიერთობებზე საუბრობს. შესაძლოა გაჩნდეს განცდა, რომ ზოგიერთი ასპექტი კიმ კარდაშიანთან განქორწინებასაც უკავშირდება.
530 ერთ-ერთი ფავორიტი ტრეკია Vultures 2-დან. ალბომმა აგვისტოში Billboard 200-ის ჩარტში მეორე ადგილი დაიკავა. სიმღერა Hot R&B/Hip-Hop Songs-ის ჩარტში კი 37-ე ადგილზე მოხვდა.
2025 წელი კანიე უესტისათვის, სავარაუდოდ, დატვირთული წელი იქნება. სოციალურ მედიაში დაბრუნების შემდეგ, ის შეიძლება კვლავ დაანონსებული ალბომის მარკეტინგულ კამპანიაზე გადაერთოს. 2021 წლის Donda-ს შემდეგ, ეს უესტის პირველი სოლო ალბომი იქნება. აღსანიშნავია, რომ ინტერნეტში ალბომის გარეკანი უკვე გავრცელდა.
იხილეთ 530-ის მუსიკალური ვიდეო:
