დუეტ Wham!-ის საახალწლო ჰიტ Last Christmas-ის ზამთრის თემაზე გადაღებული ვიდეო YouTube-ზე ე.წ. „მილიარდიანთა“ კლუბს შეუერთდა.
1984 წელს გამოცემული სიმღერა საახალწლო სეზონზე ზედიზედ მეორედ მოექცა ბრიტანეთის ჩარტების სათავეში.
სიმღერა ბენდის პროდიუსერისა და ვოკალისტის, ჯორჯ მაიკლის დაწერილია. 2021 წელს სიმღერა პირველად მოხვდა ბრიტანეთის სინგლების ჩარტების პირველ ადგილზე. მუსიკალური ვიდეოკლიპი რეჟისორმა ენდრიუ მორაჰანმა შვეიცარიაში გადაიღო, სადაც ჯორჯ მაიკლი და ენდრიუ რიჯლი ზამთრის კურორტზე დროს ატარებენ.
ჰიტი Last Christmas დუეტ Wham!-ის პირველი ვიდეო გახდა, რომელმაც YouTube-ზე მილიარდი ნახვა დააგროვა და ამით ის ჯორჯ მაიკლის 1984 წლის ჰიტს, Careless Whisper-ს შეუერთდა.
ბრიტანული ჩარტების მიხედვით Last Christmas დეკემბერში პირველ ადგილზე მოხვდა. სიმღერამ საახალწლო სეზონზე ზედიზედ მეორედ მოიპოვა ჩარტებში პირველი ადგილი. აღსანიშნავია, რომ სიმღერა Last Christmas მისი გამოცემის წელს ვერ მოხვდა ჩარტების სათავეში, 1984 წელს პირველი ადგილი ბრიტანულ-ირლანდიური ჯგუფის, Band-Aid-ის სიმღერამ Do They Know It’s Christmas? დაიკავა, სადაც ჯორჯ მაიკლიც იღებდა მონაწილეობას.
ნახეთ Wham!-ის მუსიკალური ვიდეო Last Christmas.
