ნიკალა ზუბიაშვილი სტუდიური სესიის მცირე მონაკვეთს აზიარებს

ნიკალა ზუბიაშვილი სოციალურ ქსელში სტუდიური სესიის მცირე მონაკვეთს აზიარებს. მუსიკოსის თქმით, სრულ ვიდეოს მსმენელი 7 თებერვალს იხილავს.

„ეს სტუდიური სესია ეძღვნება იმ მამაც ქართველ ხალხს, რომელიც საკუთარი ქვეყნის თავისუფლებისთვის იბრძვის. იყავით ძლიერები, ერთიანები და არასდროს შეწყვიტოთ თავისუფლებისთვის ბრძოლა! თავისუფლება რეჟიმის პატიმრებს, ” – წერს ნიკალა ზუბიაშვილი პოსტში.

40-წამიან თიზერში მუსიკოსი კომპოზიციას კლავიშზე, საპროტესტო აქციების ხმების ფონზე ასრულებს. პარალელურად კი ეკრანზე ავტორის ტექსტი ჩნდება:

„რთულ პერიოდებში მუსიკა ხდება მძლავრი ხმა ერთიანობის, იმედისა და შეუპოვრობის. ამ სესიით სოლიდარობას ვუცხადებ მათ, ვისაც თავისუფალი და დამოუკიდებელი საქართველოს იდეის სჯერა. დაე, ამ ნოტებმა ატაროს მესიჯი სიძლიერისა და ქართველი ხალხის გაუტეხელი სულისა.”