მართალია, A Complete Unknown წელს ოსკარის გარეშე დარჩა, თუმცა მისი წარმატების წყალობით, ბობ დილანის მემუარები „ამაზონის” ბესტსელერი გახდა და ყველაზე გაყიდვად როკწიგნებში მესამე ადგილი დაიკავა. ავტობიოგრაფიული წიგნი, სახელწოდებით Chronicles: Volume One, მოგვითხრობს ლეგენდარული ავტორ-შემსრულებლის ცხოვრების დეტალებზე Greenwich Village-ში 1961 წელს, მსგავსად ბიოგრაფიული ფილმისა, რომელშიც დილანის როლს ტიმოთი შალამე ასრულებს.
304-გვერდიანი წიგნი დილანის ხანგრძლივი კარიერის სამ ეპიზოდს მოიცავს: 1961, 1970 და 1989 წლებს, როცა ის წერდა ალბომებს: Bob Dylan (სადებიუტო ალბომი), New Morning და Oh Mercy. წიგნი დეტალურად აღწერს მუსიკოსის ფიქრებს, გავლენებსა და პირად რეფლექსიებს ცხოვრების ამ საკვანძო ეტაპებზე.
დილანის მემუარებმა 19 კვირა დაყო New York Times-ის ბესტსელერთა სიაში. 2004 წელს ის ასევე დასახელებული იყო National Book Critics Circle Award-ის ხუთ ფინალისტთა შორის საუკეთესო ბიოგრაფიული/ავტობიოგრაფიული წიგნის ნომინაციაში.
ბობ დილანის Chronicles: Volume One-ის შეძენა შესაძლებელია „ამაზონზე”. ხელმისაწვდომია წიგნის აუდიოვერსიაც.
