22 მარტს ჯანსუღ კახიძის სახელობის თბილისის მუსიკალურ-კულტურულ ცენტრში მსოფლიოში აღიარებული უნგრელი ტრომბონისტების კვარტეტის, Сorpus Trombone Quartet-ის კონცერტი გაიმართება. ვირტუოზი მუსიკოსები სცენაზე თბილისის სიმფონიურ ორკესტრთან ერთად წარდგებიან. კონცერტს მაესტრო ვახტანგ კახიძე უდირიჟორებს. შესრულდება სხვადასხვა ეპოქის კომპოზიტორების ნაწარმოებები, როგორც ტრომბონების კვარტეტის, ასევე სიმფონიური ორკესტრისთვის.
Сorpus Trombone Quartet მსოფლიოში ცნობილი უნგრული კვარტეტია. მას მოგებული აქვს კამერული მუსიკის ოთხი საერთაშორისო კონკურსი და არის პრესტიჟული Artisjus Prize-ის სამგზის მფლობელი. 2024 წელს კვარტეტმა ფერენც ლისტის ჯილდო დაიმსახურა.
ბილეთების შეძენა შეგიძლიათ ბმულზე.
