Playboi Carti-მ Ye-ს ბრალდებებს უპასუხა. უესტმა სოციალურ ქსელში დაწერა, რომ Carti-მ მისი ვერსია ახალი ალბომიდან ამოიღო შემდეგ კი ნორს უესტის ვოკალის გამოყენების ნებართვა მოითხოვა.
„YE, STFU“ („YE, მოკეტე“), – ასე უპასუხა Carti-მ კანიე უესტს სოციალურ ქსელ X-ზე.
რამდენიმე საათში უესტი Playboi Carti-ს კიდევ ერთხელ გამოეხმაურა: „CARTI-ს საერთოდ უნდა ესაუბრა ჩემი შვილის დედასთან?“ – იკითხა უესტმა 33 მილიონი გამომწერის წინაშე.
ამ პოსტებამდე რამდენიმე დღით ადრე უესტმა ნორს უესტის ვოკალის გამოყენებაზე თავისი პოზიცია საჯაროდ დააფიქსირა: „გადავწყვიტე, რომ ნორსი Carti-სთან ერთად სიმღერას არ ჩაწერს. როგორია, როცა ალბომიდან მხსნიან და შემდეგ კიმს სთხოვენ ჩემი შვილის ვოკალზე ნებართვას? არ მაინტერესებს ეს ინდუსტრიული თამაში,” – დაწერა Ye-მ. „როცა შვილებს ეხება საქმე, საბოლოო სიტყვა კაცმა უნდა თქვას და სულ არ მანაღვლებს, რას ფიქრობთ ამის შესახებ.”
Ye პოსტების გავრცელებისას Carti-ს ყოფილ შეყვარებულს, იგი აზალიას და მის ვაჟს, Onyx-საც შეეხო: „მინდა, რომ Onyx-ის ვოკალი ჩემს სიმღერაში გამოვიყენო,”– მიმართა კანიე უესტმა იგის. „ალბომიდან ამოღების თემაზე ჯერ ჩუმად ვიყავი, მაგრამ ჩემ ყოფილთან მისვლა და ჩემი შვილის ვოკალის გამოყენებაზე ნებართვის თხოვნა უკვე მეტისმეტია. ჩემთან თამაში არავის გაუვა!” – წერს უესტი.
ამის შემდეგ აზალიამ Ye-ს პოსტს უპასუხა: „Ye, მესმის, რისი თქმა გინდა. ამას თავაზიანად ვამბობ, როგორც დედა: – გთხოვ, ჩემს შვილს თავი დაანებე. Carti-ს სხვა შვილებიც ჰყავს, მაგრამ, როგორც ჩანს, მხოლოდ ჩემი ვაჟი ხდება მუდმივი თავდასხმების სამიზნე იმ კაცის გამო, ვისთანაც მას არავითარი ურთიერთობა არ აქვს.”
Ye-სთვის ეს კვირა საკმაოდ რთული აღმოჩნდა – ის უკვე არაერთ კოლეგას დაუპირისპირდა, მათ შორის არიან: ჯეი-ზი, კენდრიკ ლამარი, დრეიკი, Ty Dolla $ign, ტრევის სკოტი, Tyler, The Creator, Pusha T და სხვები.
16 მარტს კანიე უესტმა საკუთარ ალბომზე, Bully-ზე გადაღებული მოკლემეტრაჟიანი ფილმიც გამოუშვა, რომლის რეჟისორიც თავადაა. ფილმში მთავარ როლს მისი შვილი, სეინტ უესტი ასრულებს.
