არიანა გრანდემ R.E.M. Beauty-ს ღონისძიება გამართა, სადაც ბრენდის ახალი თვალის თხევადი ჩრდილების ხაზი წარადგინა. ღონისძიებას სოციალური ქსელის ცნობილ პერსონებთან ერთად, ესწრებოდა TikTok-ის ვარსკვლავი ნია აივიც. ინფლუენსერმა, რომელსაც TikTok-ზე 1.2 მილიონი გამომწერი ჰყავს, პოპულარობა სახალისო პაროდიებითა და იმიტაციებით მოიპოვა. R.E.M. Beauty-ს საღამოზე მან გრანდესთან ერთად გადაიღო ვიდეო, რომელშიც ნიკი მინაჟს ჰბაძავს. ნია კამერაში იყურება და ზუსტად მინაჟის ხმით ლაპარაკობს. „ჰეი, ხალხო. აქ ვართ R.E.M. Beauty-ზე. არიანა, შენ აქ რას აკეთებ?“ – ამბობს ის. არიანა გრანდემ საპასუხოდ ნია აივის პაროდიის ნიჭით აღფრთოვანება გამოხატა.
გრანდესა და მინაჟს ხანგრძლივი თანამშრომლობა აკავშირებთ. მათ პირველად ერთად 2014 წელს იმუშავეს სიმღერაზე, სახელწოდებით Bang Bang, რომელიც ჯესი ჯეისთან ერთად ჩაწერეს. შემდეგ იყო Get On Your Knees, რომელიც შესულია მინაჟის ალბომში – The Pinkprint. 2016-ში გამოუშვეს Side to Side, ხოლო 2018 წელს – Bed და The Light Is Coming.
ბოლო თვეები არიანა გრანდესთვის საკმაოდ აქტიური პერიოდია – მარტის ბოლოს მან გამოუშვა ალბომის, Eternal Sunshine-ის Brighter Days Ahead დელუქს ვერსია, რომელიც Billboard 200-ის სათავეში მოექცა. განახლებულ ვერსიაში, თავდაპირველ 13 სიმღერასთან ერთად დამატებულია ექვსი ახალი ტრეკი: Twilight Zone, Warm, Dandelion, Past Life, Hampstead და Intro (End of the World)-ის გახანგრძლივებული ვერსია.
