Billboard-ის Pop Shop Podcast-ის ახალ ეპიზოდში წამყვანებმა ბიონსეს Cowboy Carter-ის საკონცერტო ტურნეს დაწყება გააშუქეს. ალბომი Cowboy Carter 2024 წელს გამოვიდა და საკმაოდ დიდი გამოხმაურებაც მოჰყვა. აქტიურად ისმოდა კითხვა: იყო კი ბიონსე „საკმარისად ქანთრი“ მუსიკოსი, რომ ამ ჟანრის ალბომი გამოეშვა? ალბომის გამოსვლიდან ერთ წელზე მეტი გავიდა და მას უკვე გრემიც აქვს მინიჭებული. როგორც პოდკასტის წამყვანები აღნიშნავენ, მსმენელის გაკვირვებაზე პასუხი ნათელია — რა თქმა უნდა, ბიონსე არის საკმარისად ქანთრი მუსიკოსი და ამას Cowboy Carter-ის ტურნეც ამტკიცებს.
Pop Shop Podcast-ის წამყვანები ესწრებოდნენ ტურის გამხსნელ კონცერტს. 32-დღიანმა ტურნემ სტარტი კალიფორნიაში, SoFi Stadium-ზე გამართული შოუთი აიღო. Billboard Pop Shop Podcast-ის ბოლო ეპიზოდში წამყვანები საუბრობენ ბიონსეს გზავნილზე, რომელსაც ის მსმენელს ახალი ტურნეს საშუალებით გადასცემს. მათი თქმით, სუპერვარსკვლავი უარს ამბობს ჩარჩოებში მოქცევაზე — თითქმის სამსაათიანი შოუს განმავლობაში მან დაამტკიცა, რომ ქანთრის შესრულებაც ისევე კარგად გამოსდის, როგორც საცეკვაო თანამედროვე მუსიკის. ბიონსეს შეუძლია იყოს შვილის გვერდით მდგომი დედა და ამავდროულად, წარმატების მწვერვალზე მყოფი პოპვარსკვლავი; შეუძლია იამაყოს ამერიკელობით და მაინც კითხვები დასვას ქვეყნის წარსულზე, აწმყოსა და მომავალზე.
მოუსმინეთ Cowboy Carter-ის ტურნეს პირველი კონცერტის განხილვას Billboard-ის პოდკასტში.
Billboard Pop Shop Podcast არის ერთიანი სივრცე ყველა იმ სიახლისთვის, რაც Billboard-ის ყოველკვირეულ ჩარტებში აისახება. აქ მსმენელს ხვდება საინტერესო დისკუსიები პოპ-მუსიკის ყველაზე აქტუალური ამბების, ჩარტების სტატისტიკის, ახალი მუსიკისა და ვარსკვლავების ინტერვიუების შესახებ. პოდკასტის წამყვანები არიან Billboard-ის აღმასრულებელი ციფრული დირექტორი კეტი ეტკინსონი და Billboard-ის ჩარტებისა და მონაცემთა ოპერაციების მმართველი დირექტორი კეით კოულფილდი.
პოდკასტს შეგიძლიათ მოუსმინოთ Billboard.com-ზე, Apple Podcasts-ში ან თქვენს საყვარელ პოდკასტ პლატფორმაზე. გადაცემის წინა ეპიზოდის მოსასმენად ეწვიეთ Billboard.com-ს.
