კარტერების ოჯახში ახალი ვარსკვლავი იბადება და მისი სახელია ბლუ აივი კარტერი!
28 აპრილს ბიონსემ Cowboy Carter-ის მხარდასაჭერი ტურნე გახსნა. ტურნეს პირველ კონცერტზე კი მომღერლის უფროსმა ქალიშვილმა რამდენჯერმე „მოიპარა შოუ”.
America Has a Problem-ზე ცეკვისა და უმცროს დასთან, რუმისთან ერთად Protector-ის დროს კამეოს შემდეგ, ბლუ სცენაზე ბიონსეს 2006 წლის ჰიტის, Déjà Vu-ს დროს დაბრუნდა. ახალგაზრდა არტისტმა სცენა მოდელის მანერით გამოიარა და დედის მოცეკვავეებს სათავეში ჩაუდგა.
ბლუმ უნაკლოდ შეასრულა მთელი ქორეოგრაფია და დაამტკიცა ჟოზეფინ ბეიკერის მდგრადი გავლენა – არტისტის, რომლის საკულტო Danse Sauvage-იც ორიგინალი Déjà Vu-ს ქორეოგრაფიის შთაგონება გახდა. ელემენტები, რომლებიც ბლუმ სცენაზე შეასრულა, ბიონსეს არაერთ გამოსვლაში შეგვხვედრია, დაწყებული თავად სიმღერის ვიდეოკლიპით, დასრულებული 2018 წლის Coachella-ს გამოსვლით.
ამ ორი წლის განმავლობაში, რაც Renaissance-ის ტურნეში მისი ქორეოგრაფიული დებიუტი შედგა, ბლუ აივი პატარა ბავშვიდან თავდაჯერებულ შემსრულებლად იქცა. დეკემბერში ის ასევე შეუერთდა დედას NFL-ის საშობაო შოუზე, რომელსაც Beyonce Bowl-საც უწოდებენ.
ბოლო რამდენიმე წელიწადში, შეიძლება ითქვას, რომ ბლუმ ნამდვილად გაამართლა კარტერების ოჯახის სახელი. მის მიმართ აღფრთოვანების გამოხატვისგან თავი ვერც მისმა დეიდამ შეიკავა და ტვიტერზე ვიდეო გამოაქვეყნა, სადაც ის America Has a Problem-ზე ცეკვავს.
ცეკვის გარდა, ბლუს სამსახიობო კარიერაც აქვს. გასულ წელს მან კიარას როლი (სიმბას და ნალას ქალიშვილი) შეასრულა ფილმში „მუფასა: მეფე ლომი”, სადაც ნალას თავად ბიონსე ახმოვანებს. ფილმის გამოსვლამდე ოთხი წლით ადრე კი ბლუმ Voice Arts Award მოიგო საბავშვო აუდიოწიგნის (Hair Love) საუკეთესო გახმოვანებისთვის.
რაც შეეხება ბიონსეს ტურნეს, ის ამერიკისა და ევროპის ცხრა ქალაქსა და 32 კონცერტს მოიცავს. Cowboy Carter ის ისტორიული ალბომია, რომელმაც მომღერალს საბოლოოდ წლის ალბომის კატეგორიაში ნანატრი გრემი მოუტანა და პირველი შავკანიანი ქალი გახადა, რომელმაც ქანთრი ალბომების ლიდერის პოზიციის დაკავება შეძლო.
ნახეთ „ბილბორდის” მიერ გადაღებული ბლუ აივის ცეკვის ვიდეო და ასევე ბიონსეს 2006 წლის შესრულებისა და მისი ქალიშვილის ქორეოგრაფიის შედარება:
@billboard Blue Ivy breaks it down to “Deja Vu” on Beyoncé’s #CowboyCarter tour 👏 #beyonce #livemusic #blueivy #cowboycartertour #beyoncecowboycarter #hiphop #rnb #beyonceconcert ♬ original sound – billboard
Beyoncé 2006 / Blue Ivy 2025. ✨
— Beyoncé Press. (@beyoncepress) April 29, 2025
pic.twitter.com/dtJL9RbkhT
