ჰოკეის ყოველწლიური ჩემპიონატი Stanley Cup, რომელსაც ჰოკეის ეროვნული ლიგა (NHL) ატარებს, 4 ივნისს გაიხსნა. თამაში პირდაპირი ეთერით TNT-ზე გადაიცემოდა, სადაც გახსნის ცერემონიაზე პრომო ვიდეოში Linkin Park-ის სიმღერა Heavy Is the Crown გაჟღერდა. სიმღერას ბენდის ახალი სოლისტი ემილი არმსტრონგი ასრულებს.
Heavy Is the Crown ბენდის მერვე სტუდიურ ალბომ From Zero-შია შესული. გარდა ამისა, იგი გახდა Riot Games-ის 2024 წლის League of Legends-ის მსოფლიო ჩემპიონატის ჰიმნი. სიმღერა რვა კვირის განმავლობაში Billboard-ის Rock & Alternative Airplay ჩარტში პირველ ადგილს იკავებდა, ხოლო თებერვალში Mainstream Rock Airplay ჩარტშიც ლიდერობდა. ეს Linkin Park-ისთვის ამ ჩარტში უკვე მეთორმეტე სიმღერაა.
Linkin Park-ისთვის NHL-ის პრომო ვიდეო ერთგვარი სპორტული თემატიკის გაგრძელებაა, ბენდმა შაბათს მიუნხენში გამართულ UEFA-ს ჩემპიონთა ლიგის ფინალამდე ოთხ სიმღერიანი პერფორმანსი შეასრულა. ისინი Munich Football Arena-ს სცენაზე – პარიზ სენ-ჟერმენსა და ინტერს შორის მატჩის დაწყებამდე გამოვიდნენ. ბენდი მომავალი მსოფლიო ტურნესთვის ემზადება, რომელიც 12 ივნისს ავსტრიის Nova Rock Festival-ზე დაიწყება.
ნახეთ NHL-ის პრომო ვიდეო:
