გამოცემა Deadline-ის ინფორმაციით, Paramount Animation-მა და Nickelodeon Animation-მა 9 ივნისს მომავალი ანიმაციური ფილმის The SpongeBob Movie: Search for Squarepants მსახიობთა გუნდის ახალი შემადგენლობა დააანონსა. პროექტს რეპერი Ice Spice-იც შეუერთდება. არტისტის გარდა ფილმში მონაწილეობას მიიღებენ: რეჯინა ჰოლი, შერი კოლა, არტურო კასტროდა ჯორჯ ლოპესი.
გრემიზე ოთხჯერ ნომინირებული რეპერი ფილმისთვის ახალ, ორიგინალურ სიმღერასაც ჩაწერს, პრემიერა კი დეკემბერში იგეგმება.
Ice Spice ამ სიახლეს ინსტაგრამ სთორიში გამოეხმაურა. 2022 წელს რეპერმა სინგლი სახელწოდებით Bikini Bottom გამოუშვა, რომელიც მის სადებიუტო EP-ში, Like…?-ში შევიდა. ალბომმა Billboard 200-ის ჩარტში მე-15 ადგილი დაიკავა.
Ice Spice ბოლოს KATSEYE-ის სიმღერის, Gnarly-ს რემიქს ვერსიაში გამოჩნდა, რაც 2025 წელს მისი პირველი რელიზია. არტისტი ასევე ითამაშებს სპაიკ ლის მომავალ ფილმში Highest 2 Lowest, სადაც მონაწილეობას დენზელ ვაშინგტონი და A$AP Rocky იღებენ.
