ნუცა ბუზალაძემ ახალი სიმღერა გამოსცა, სახელწოდებით All My Life. მომღერლის თქმით, კომპოზიცია უკვე 300-ზე მეტ პლეილისტშია დამატებული და მალე ამერიკის რადიოებშიც გაჟღერდება.
American Idol-ის ქართველი ფინალისტი, რომელიც ამჟამად აშშ-ში ცხოვრობს, ცნობილ გამოცემებთან ინტერვიუსებსაც აანონსებს, მათ შორისაა Billboard არგენტინაც.
რაც შეეხება All My Life-ს, მის შესახებ ნუცა ბუზალაძე სოციალურ ქსელში წერს:
„ეს სიმღერა ჩემთვის ძალიან მნიშვნელოვანია… ვიპოვე სიყვარული, რომელიც მეგონა, მხოლოდ სიზმარში არსებობდა… და გულით მინდა, მსგავსმა სიყვარულმა თქვენც მოგაგნოთ და ბედნიერებისგან ყოველდღე ანათებდეთ!”
ცოტა ხნის წინ ცნობილი გახდა, რომ ნუცა ბუზალაძე თავის აგენტზე, დარენ პრინცზე დაინიშნა.
