კლიპის რეჟისორი Los Tusladers გახლავთ, თავად ვიდეო ლაშა წულაძის და თათია წულაძის მიერ არის გადაღებული. არანჟირება თავად ავტორს, მურმან წულაძეს ეკუთვნის, მიქსინგზე კევინ ჰოზემ, მასტერინგზე კი ბენჟამენ ჟუბერმა იმუშავა.
„ვიდეოკლიპი Gelodebi, როგორც წინა კლიპები, სახლშია გადაღებული. მასზე ჩემს დასთან, თათიასთან და ძმასთან, ლაშასთან ერთად ვიმუშავე. კადრები რუსთავის ნახევრად ინდუსტრიულ უდაბნოში, მცხუნვარე მზის ქვეშ გადავიღეთ, პროცესი საკმაოდ სახალისო იყო და რაც მთავარია, გველებს გადავურჩით. კლიპი ორ კონცერტს შუა, გზაში დავამონტაჟე. თემად კვლავ $haba$h რჩება, ოღონდ ცოტა რეტრო-ფუტურისტული შტრიხით. ამ სიმღერის შესახებ შეიძლება ის დავამატო, რომ ცეკვა ლოდინის დროს ყოველთვის კარგია ჯანმრთელობისთვის”.
კლიპი კიდევ ერთხელ უსვამს ხაზს მუსიკოსის შემოქმედებით მიმართულებას, რომელიც ინდუსტრიულ ესთეტიკას და სატირას აერთიანებს.
ნახეთ მურმან წულაძის ახალი ვიდეოკლიპი კომპოზიციისთვის Gelodebi.
