ქართველმა ექსპერიმენტულმა არტისტმა Kordz-მა პირველი კასეტა – Best Of Kordz / The Hits & The B-Sides გამოუშვა, რომელშიც კარგად ცნობილი კომპოზიციები და ჯერ კიდევ გამოუქვეყნებელი ნამუშევრებია გაერთიანებული.
A მხარეზე მსმენელი ძირითადად ბოლო ორი წლის განმავლობაში შექმნილ ნაწარმოებებს შეხვდება. მათ შორის არის: SDEQ, San Marino, Day2Remember და სხვა. B მხარეზე კი წარმოდგენილია არტისტის სრულიად ახალი, გამოუქვეყნებელი ალბომი, რომელსაც მსმენელი სხვაგან ვერსად მოისმენს.
კასეტაში მოთავსებულია ე.წ. Download კოდი, რომლის მეშვეობითაც შესაძლებელია კოლექციის ყველა ტრეკის ჩამოტვირთვა Bandcamp აპლიკაციაში. ყდის დიზაინი ACADNUSX-ს ეკუთვნის. კასეტა დუბლირებულია Record.ge-ის მიერ. Best Of Kordz / The Hits & The B-Sides ლეიბლ Stockton Records-ზე გამოიცა.
კასეტა უკვე ხელმისაწვდომია Veli.Store-ზე. Best Of Kordz / The Hits & The B-Sides-ის შეძენა მსმენელებს არტისტის კონცერტებზეც შეეძლებათ.
