ნოდარიკო ხუციშვილი თიზერს აქვეყნებს, რომლითაც თავის პირველ ალბომს აანონსებს. „სიკეთე თოვლად მოვა“ – ასე ჰქვია ნამუშევარს, რომელიც 15 დეკემბერს მუსიკალურ ლეიბლ Break Records-ზე გამოიცემა. მუსიკოსი ალბომზე ლუკა ქიტიაშვილთან, ნიკალა ზიბუაშვილთან და გიორგი ჩაგელიშვილთან ერთად მუშაობს.
„ჩემს პირველ ალბომზე ვმუშაობ – ზამთრის ალბომზე. ზამთარი ხშირად სხვადასხვა რამესთან ასოცირდება – პირველ თოვლთან, სრიალთან, შობასთან, ახალ წელთან, ნატვრასთან, რაღაც ჯადოსნურთან და მუსიკასთან. მუსიკა სულ არის, მაგრამ არის ისეთიც, რომელიც განსაკუთრებით წელიწადის ამ დროს უხდება და ზამთრის ისტორიებს საუნდტრეკად მიჰყვება. იმედია, ჩემი ალბომიც ბევრ თქვენს თავგადასავალს გააფერადებს,“ – ამბობს ნოდარიკო ცუხიშვილი სოციალურ ქსელში გამოქვეყნებულ ვიდეოში.
