Mad Cool მსოფლიოში ერთ-ერთი ცნობილი მუსიკალური ფესტივალია, რომელიც 2016 წლიდან მადრიდში ტარდება. ფესტივალის მუსიკალური პროგრამა ძირითადად პოპს, როკსა და ინდიმუსიკას აერთიანებს, ასევე წარმოდგენილია ელექტრონული მუსიკაც.
2026 წელს ფესტივალი 9-11 ივლისს გაიმართება. პროგრამაში ვხვდებით ისეთ ჰედლაინერებს, როგორიც არიან: Foo Fighters, Moby, The War on Drugs, Wolf Alice, Florence + The Machine, Jennie, Lorde, Twenty One Pilots, Kings of Leon, Pixies, Halsey, ნიკ ქეივი ბენდთან ერთად, Pulp, The Black Crowes, დევიდ ბირნი და სხვა ცნობილი შემსრულებლები.
Mad Cool ფესტივალის პროგრამის ნაწილია Mad Cool Talent, რომელიც მსოფლიოს სხვადასხვა ქვეყნიდან მუსიკოსებს საშუალებას აძლევს, აპლიკაციის მეშვეობით კონკურსში მიიღონ მონაწილეობა და საბოლოოდ ფესტივალის პროგრამაში მოხვდნენ. წელს 1600-ზე მეტი მონაწილიდან შერჩეულ 80 კონკურსანტს შორის არის სამი ქართული ბენდი: Tape Visitors, The Cave და LucidLust. ფინალისტების გამოვლენის ერთ-ერთი კრიტერიუმი ღია ხმის მიცემის სისტემაა.
ქართველ ბენდებს რომ დაუჭიროთ მხარი, უნდა ეწვიოთ Mad Cool Talent-ის ბმულს, გაიაროთ რეგისტრაცია ელექტრონული ფოსტით და შემდეგ ონლაინ მისცეთ ხმა.
იხილეთ ბმული:
https://madcooltalent.com/promotions/participate/1004340/335371
