ტეილორ სვიფტის The Fate of Ophelia უკვე მეშვიდე კვირაა, Billboard Global 200 ჩარტის ლიდერია, ხოლო Billboard Global Excl. U.S.-ის ჩარტში ზედიზედ მერვე კვირაა, პირველ ადგილს ინარჩუნებს. სიმღერა ჩარტების სათავეში პირველად ოქტომბერში მოხვდა.
ამასთან, Bad Bunny-ს ტრეკი – DtMF ორივე გლობალურ ჩარტში კვლავ ტოპ 10-ში დაბრუნდა. ნოა კაჰანი კი Global 200-ში თავისი მეორე ჰიტის, The Great Divide-ის დებიუტით არის წარმოდგენილი. Billboard Global 200 და Global Excl. U.S. ჩარტები ეყრდნობა სტრიმინგისა და გაყიდვების მონაცემებს, რომლებიც მსოფლიოს 200-ზე მეტი გეოგრაფიული ერთეულიდან გროვდება და კომპანია Luminate-ის მიერ მუშავდება. Global 200 მოიცავს გლობალურ მაჩვენებლებს, ხოლო Global Excl. U.S. აერთიანებს მონაცემებს შეერთებული შტატების გამოკლებით.
ჩარტების პოზიციები დგინდება წინასწარ შედგენილი ფორმულით, რომელიც ითვალისწინებს მხოლოდ ოფიციალურ – როგორც სააბონენტო, ისე აუდიო და ვიდეო პლატფორმების სტრიმებს, ასევე ციფრული ჩამოტვირთვის მაჩვენებელს. ჩამოტვირთვის მონაცემები ასახავს მსოფლიო მასშტაბით, ოფიციალური ციფრული მუსიკალური პლატფორმებიდან ტრეკის ფასიანი გადმოწერის მაჩვენებელს.
The Fate of Ophelia-მ 5 თებერვლით დასრულებულ კვირაში 50.7 მილიონი სტრიმი დააგროვა, რაც 5%-იანი კლებაა წინა მონაცემებთან შედარებით. მსოფლიო მასშტაბით სიმღერის 6 000 ეგზემპლარი გაიყიდა, რაც 9%-ით ნაკლებია წინა პერიოდის გაყიდვებზე.
ოლივია დინის Man I Need მეორე ადგილზე აღმოჩნდა და Global 200-ში ლიდერ პოზიციას აღწევს. სიმღერის სტრიმები 19%-ით გაიზარდა და 46.8 მილიონს მიაღწია. ეს ზრდა გრემის დაჯილდოებაზე „საუკეთესო ახალი არტისტის“ კატეგორიაში გამარჯვებას მოჰყვა.
Djo-ს End of Beginning მესამე ადგილზე რჩება – მას იანვარში ერთი კვირის განმავლობაში პირველი ადგილი ეკავა. HUNTR/X-ის Golden მეოთხე პოზიციას ინარჩუნებს მას შემდეგ, რაც ივლისიდან მოყოლებული, 18 კვირის განმავლობაში ლიდერობდა, ხოლო ალექს უორენის Ordinary-მ მე-8-დან მე-5 ადგილზე გადაინაცვლა.
Bad Bunny-ს DtMF Global 200-ში დაწინაურდა – 27-ე ადგილიდან მე-6 პოზიციაზე აღმოჩნდა. ნოა კაჰანის The Great Divide Global 200-ში მე-10 ადგილზეა. The Fate of Ophelia კი Global Excl. U.S.-შიც ლიდერია. End of Beginning კვლავაც მეორე ადგილზეა რჩება Global Excl. U.S.-ის ჩარტში.
Billboard Global 200-ის და Billboard Global Excl. U.S.-ის ჩარტების უახლესი მონაცემები 2026 წლის 14 თებერვლით არის დათარიღებული.
Luminate არის Billboard-ის ჩარტების დამოუკიდებელ მონაცემთა პროვაიდერი, რომელიც Billboard-თან პარტნიორობის ფარგლებში, ყოველკვირეული რეიტინგების შედგენისას, ყველა მონაცემს დეტალურად ამოწმებს და ადასტურებს. საბოლოო გამოთვლამდე, საეჭვო ან დაუდასტურებელი მონაცემები განსაზღვრული კრიტერიუმების მიხედვით ბათილდება.
