შესაძლოა, ჯენი დრაკულას მსგავსად მზეს გაურბოდეს, მაგრამ „ტიკტოკის” ტრენდებს ნამდვილად არ უშინდება. ორშაბათს გამოქვეყნებულ ვიდეოში Blackpink-ის ვარსკვლავმა უკვე ვირუსულად გავრცელებული ტრენდის საკუთარი ვერსია გამოაქვეყნა, რომელიც მისი და Tame Impala-ს უახლეს კოლაბორაციაზეა გადაღებული.
ვიდეოში K-pop მომღერალს მბზინავი ბადისებური ტოპი და ქვედაბოლო აცვია, რომელიც იმავე დღეს შანელის ჩვენებაზე ეცვა. თებერვალში გამოსული Dracula-ს რემიქსზე ის თავის სიტყვებს პირს აყოლებს – My friends are saying, ‘Shut up, JENNIE, just gеt in the car – მღერის ჯენი სიარულის დროს, კამერა კი თან მიჰყვება.
„ტრენდს შევუერთდი,” – აღნიშნა მომღერალმა ვიდეოს აღწერაში.
ჯენი ათასობით ფანს შეუერთდა, რომლებიც სიმღერის ამ მონაკვეთზე გადაღებულ მსგავსი ტიპის ვიდეოებს პოსტავენ. „ტიკტოკის” აღნიშნული ტრენდი Dracula-ს ჩარტებში წარმატების შენარჩუნებაში დაეხმარა. მართალია, სიმღერა ნოემბერში Billboard Hot 100-ის 30-ე ადგილზე გავიდა, თუმცა რამდენიმე კვირის განმავლობაში ის მაინც ჩარტის ზედა ნახევარში რჩებოდა. უახლესი მონაცემებით კი, 14 მარტით დათარიღებულ ჩარტში, Dracula 37-ე ადგილს იკავებს.
პარიზში ყოფნის დროს ჯენი შანელის ჩვენებას დაესწრო. მასთან ერთად ისხდნენ ლილი-როუზ დეპი, მარგო რობი და ოლივია დინი. ჯენის გარდა საფრანგეთის დედაქალაქს მოდის კვირეულისთვის Blackpink-ის კიდევ ერთი წევრი როსე ესტუმრა. ღონისძიებაზე გამოჩნდნენ ასევე ჩაპელ როუნი, ტეიანა ტეილორი და სხვები.
Dracula არ არის ერთადერთი რელიზი, რომელიც ჯენიმ ამ პერიოდში გამოსცა. 6 მარტს გამოვიდა მისი სადებიუტო ალბომის ერთი წლის იუბილესადმი მიძღვნილი Ruby (The Complete Collection), ხოლო თებერვალში Blackpink საბოლოოდ დაბრუნდა მინიალბომით DEADLINE.
@jennierubyjane jumping on this trend 🙊
♬ Dracula (JENNIE Remix) – Tame Impala & JENNIE
