კრისტიან კასტროს „ბილბორდის” Lifetime Achievement Award მიენიჭა

პოპმუსიკის ლეგენდამ 22 ოქტომბრის ცერემონიაზე სიმღერაც შეასრულა. 
კრისტიან კასტრო 2026 წლის Billboard Latin Music Awards-ზე
CHRISTOPHER POLK

კრისტიან კასტრომ 22 ოქტომბრის საღამოს ემოციები ვერ დამალა, როცა 2026 წლის Billboard Latin Music Awards-ზე საპატიო ჯილდო Lifetime Achievement Award მიენიჭა და აუდიტორიას პოეტური სიტყვით მიმართა, რომელიც სიყვარულით იყო შთაგონებული.

„რომანტიკული სიყვარული და პოეზია ერთადერთი ნამდვილი რამაა – ჩვენი ადამიანური არსებობის ყველაზე ჭეშმარიტი ასპექტები, ყველაზე მტკიცე აზრი და ყველაზე ნათელი გამოხატულება, რომელიც ბავშვობიდან ჩვენი სულიდან და გულიდან იღვრება“, – განაცხადა პოპვარსკვლავმა ჯილდოს მიღებისას. პრიზი მას მექსიკელმა მსახიობმა ჟაკლინ ბრაკამონტესმა გადასცა. „ეს იმ მომენტს ჰგავს, როცა პირველად დაინახავ საკუთარ სულს – დილის ნამის მშვიდ სილაღეს, მთვარეს, მზის ჩასვლის დიდებულებას – და იმ სახეს, იმ არსებობას, რომელიც შენს სულს ავსებს და რომლის განდევნაც საკუთარი არსებობიდან შეუძლებელია.”

„მთელი ჩემი ცხოვრების განმავლობაში რომანტიკული სიყვარული ჩემი მთავარი მიზანი და ამბიცია იყო – ჩემი ზეცა და ყველაზე დიდი მისწრაფება. ამ ჯილდოს ვიღებ რომანტიკული სიყვარულისა და პოეზიის სახელით. ეს ყველაზე მშვენიერი რამაა, რაც კი ოდესმე მქონია – საჩუქრები, რომლებიც ღმერთმა ჩემს ხმასთან ერთად ჩადო ჩემში.”

კასტრომ ეს პატივი სამ ათწლეულზე მეტი ხნის განმავლობაში მიღწეული წარმატებისა და ლათინურ მუსიკაზე მისი ხანგრძლივი გავლენის აღიარების ნიშნად მიიღო. ცერემონიაზე მან განსაკუთრებული მუსიკალური ნომერიც შეასრულა. ღონისძიება მაიამიში  გაიმართა და „ტელემუნდოსა” და Peacock-ზე პირდაპირი ეთერით გადაიცა. მექსიკურ-ამერიკულ დუეტ Ha*Ash-თან ერთად კასტრომ მათი ახალი ერთობლივი სიმღერა Antes Que Te Cases ცოცხლად პირველად შეასრულა. 

„ბილბორდის” Lifetime Achievement Award ენიჭება არტისტს, რომლის გამორჩეულმა პროფესიულმა კარიერამ ლათინური მუსიკა მსოფლიო მასშტაბით ახალ საფეხურზე აიყვანა, ხოლო მისმა შემოქმედებითმა და პირადმა წვლილმა ჟანრის განვითარებაზე მნიშვნელოვანი გავლენა მოახდინა. წარსულში ჯილდო მიღებული აქვთ: ანდრეა ბოჩელის, არმანდო მანზანეროს, კარლოს სანტანასა და სხვა ცნობილ მუსიკოსებს. 

კრისტიან კასტრომ ლათინური პოპისა და რომანტიკული მუსიკის ერთ-ერთი გამორჩეული ხმის სტატუსი მყარად დაიმკვიდრა. მისი ისტორია „ბილბორდის” ჩარტებში 1992 წელს დაიწყო, როდესაც სიმღერა No Podrás ლათინური სიმღერების ჩარტში მოხვდა და მესამე ადგილი დაიკავა. მისმა სადებიუტო ალბომმა Agua Nueva 1993 წლის იანვარში Top Latin Pop Albums-ის ჩარტში მეორე ადგილს მიაღწია. მას შემდეგ კასტრომ ლათინური სიმღერების ჩარტში ექვსჯერ მოიპოვა პირველი ადგილი, მათ შორისაა სიმღერები Nunca Voy a Olvidarte, Amor და Azul, რომლებმაც ჩარტის სათავეში, ოთხი, თერთმეტი და ცხრა კვირა გაატარეს. 12 მილიონზე მეტი გაყიდული ალბომით კასტრო კვლავ ინარჩუნებს კავშირს მსმენელთან საკონცერტო ტურნეთი Nada Solo Éxitos Tour. 

2026 წლის Billboard Latin Music Awards-მა ლათინური მუსიკის ყველაზე ცნობილი შემსრულებლები გააერთიანა. კასტროს გარდა, წელს განსაკუთრებული პრიზების მფლობელები გახდნენ: რუბენ ბლადესი – Billboard Icon Award, როსალია – Billboard Hall of Fame Award, ჯგუფი Fuerza Regida –  Billboard Vanguard Award.

Share
Tweet
Share
Share
Share

Leave a Reply

წინა სტატია

LISA Yeyoung Choi

კვირის მუსიკალური გზამკვლევი: LISA, მაილი საირუსი, ქეისი მასგრეივსი, ჯონ მაიერი და სხვები

შემდეგი სტატია

გიგი ცინცაძის და ზუკა სიმონიშვილის ერთობლივი ალბომი Flow ფოტო: Lunatic

გიგი ცინცაძემ და ზუკა სიმონიშვილმა ერთობლივი ალბომი Flow გამოუშვეს

შეიძლება დაგაინტერესოთ

The Weeknd - Hong Kong Evan Larsen/YouTube

The Weeknd-მა სიმღერისთვის Hong Kong  შთამბეჭდავი ვიდეოკლიპი გამოუშვა

ვიდეოში აბელი (The Weeknd) კარაოკეს მღერის და ჰონგ-კონგის ქუჩებში საკუთარ ფიქრებში ჩაძირული სეირნობს. კლიპში Cantopop-ის ლეგენდა ფეი ვონგი და ჩინელი სუპერმოდელი მინგ სი მონაწილეობენ.
მეტი
Red Bull Turn It Up - Tropic Ananana

Tropic Ananana – მუსიკა, იმპროვიზაცია და ბევრი გართობა Red Bull Turn It Up-ზე

„ჩემგან მხოლოდ ერთ რამეს უნდა ელოდოთ - ბევრ გართობას, ნაცნობ, საყვარელ მუსიკას და დასამახსოვრებელ საღამოს! მინდა, ყველამ მაქსიმალურად ისიამოვნოს ამ პროცესით. ზედმეტი სერიოზულობის გარეშე - Let's have fun“ - Tropic Ananana
მეტი

2027 წლის გრემის ნომინაციების საბოლოო პროგნოზი: წლის ჩანაწერი და წლის სიმღერა

რეკორდული წარმატების მქონე ჰიტს ორივე ჯილდოს მოპოვება შეუძლია, თუ მის უზარმაზარ პოპულარობას საპასუხოდ კრიტიკის ტალღა არ მოჰყვა.
მეტი
ნოელ და ლიამ გალაგერები ფილმის - Oasis: Don’t Look Back in Anger-ის პრემიერა, ვენეციის 83-ე საერთაშორისო კინოფესტივალი, 2026 წლის 5 სექტემბერი, ვენეცია Earl Gibson III/Deadline

როგორც ჩანს, Oasis როკ-ენ-როლის დიდების დარბაზში შეყვანის ცერემონიას არ დაესწრება

ნოელ გალაგერს ლონდონში კონცერტი აქვს დაგეგმილი, ლიამ გალაგერის თქმით კი, საშობაო პერიოდთან სიახლოვის გამო მოგზაურობა არ სურს.
მეტი

Red Bull Turn It Up პირველად საქართველოში – მუსიკალური შეჯიბრება 14 ნოემბერს გაიმართება

Red Bull Turn It Up-ის ღონისძიება ბეთლის ფორმატში ჩატარდება, გამარჯვებული კი 2027 წელს დუბლინში დაგეგმილ მსოფლიო ფინალში მიიღებს მონაწილეობას.
მეტი