ბრიტნი სპირსმა ახალი საყვარელი სიმღერა დაასახელა. Მანამდე მომღერალი ამბობდა, რომ თავისი შემოქმედებიდან ყველაზე მეტად სიმღერა The Hook Up მოსწონდა, რომელიც 2003 წლის ალბომში In the Zone არის შესული. ახლა კი სპირსმა გაამხილა, რომ ამ ეტაპზე მისთვის პირველ ადგილზე 2007 წელს გამოცემული Get Naked (I Got a Plan) არის. მომღერალმა სოციალურ ქსელში ძველი ვიდეო დადო, სადაც ამ კომპოზიციაზე ცეკვავს და დაწერა: „ეს ჩემი საყვარელ სიმღერაა, რაც კი ოდესმე შემიქმნია!!!”
სპირსმა ასევე აღნიშნა, რომ შესაძლოა მისმა 13-წლიანმა მეურვეობამაც შეუშალა ხელი, რომ ამ სიმღერის სიყვარული უფრო ადრე გაეაზრებინა.
ბრიტნი სპირსი სოციალურ ქსელში საკმაოდ აქტიურია. ბოლო კვირებში მან მეუღლესთან, სემ ასგარისთან ერთად გულშემატკივრები თავის სახლშიც შეახედა. მაისში წყვილმა მათი ეზოს ვიდეოც გააზიარა.
