Drops of God სტრიმინგ სერვის Apple Tv+-ის ცნობილი სერიალია, რომლის მეორე სეზონის პრემიერა 2026 წლის იანვარში შედგა. სერიალი მაყურებელს ღვინის კულტურისა და გასტრონომიის სამყაროს შესახებ უყვება. მეორე სეზონის ეპიზოდების ნაწილი საქართველოშია გადაღებული და ამ სერიებში მუსიკალური გაფორმებისათვის ძველი და ახალი ქართული სიმღერებია გამოყენებული.
შოუში ჟღერდება ისეთი ნაწარმოებები, როგორებიც არის: ინოლა გურგულიას „მოვალ”, „ო რერო, რერო” არჩილ და მაყვალა ჩიხლაძეების შესრულებით, ნოდარიკო ხუციშვილის „ფერადი სიზმრები, Torcho-ს „გეწყინა?!” და ნინი ბადურაშვილის „ფიფქისფერი ფიქრები”. გარდა ქართული სიმღერების გაჟღერებისა, სერიალის მეორე სეზონში როლებს ქართველი მსახიობებიც ასრულებენ.
Apple Tv+
საერთაშორისო ემის ჯილდოს მფლობელი Drops of God დაფუძნებულია New York Times-ის ბესტსელერ იაპონურ მანგაზე. სიუჟეტი ღვინის კოლექციის მემკვიდრეობისთვის კონკურენციაზე გვიყვება.
მოუსმინეთ DROPS OF GOD-ის მეორე სეზონში გამოყენებული კომპოზიციების ოფიციალურ ფლეილისტს:
