სრულიად საქართველოს კათოლიკოს-პატრიარქი ილია II 17 მარტს 93 წლის ასაკში გარდაიცვალა. ილია II საპატრიარქოს 49 წლის განმავლობაში უძღვებოდა.
სასულიერო მიღვაწეობის გარდა, აღსანიშნავია მისი შემოქმედებითი საქმიანობა მუსიკაში, საეკლესიო გალობასა და ხატწერაში. ილია II არის არაერთი მუსიკალური ნაწარმოებისა და გალობის ავტორი, მათ შორისაა საზოგადოებისთვის ცნობილი საგალობლები: „კირიე ელეისონ”, „წმინდაო ღმერთო”, „ალილუია”, „დავიღალე, მოდი ჩემთან, უფალო” და სხვები.
„მაინც რა ურთიერთდამოკიდებულება არის ღმერთსა და ადამიანს შორის? ღმერთი მოდის ჩვენკენ და ჩვენ უნდა მივიდეთ უფალთან. ასეთი პატარა საგალობელი დაიწერა: ‘დავიღალე, დავიღალე, მოდი ჩემთან, უფალო…’ არის ისეთი მდგომარეობა, როცა ადამიანს აღარ შეუძლია გააგრძელოს თავისი გზა. ეცემა ტალახში, ცოდვებში და ეუბნება უფალს: ‘დავიღალე, დავიღალე, მოდი ჩემთან, უფალო…’ ესე იგი, მე აღარ მაქვს ძალა, რომ მოვიდე შენთან, არამედ შენ მოდი ჩემთან,” – ისაუბრა საგალობლის იდეაზე თავად ილია II-მ 2011 წლის 18 სექტემბრის საკვირაო ქადაგებაში.
2015 წლის 2 აპრილს თბილისის დიდ საკონცერტო დარბაზში საქველმოქმედო გალაკონცერტი გაიმართა, რომელზეც მთლიანად კათოლიკოს-პატრიარქის მუსიკალური ნაწარმოებები შესრულდა.
