თინა ტერნეტის უმცროსი შვილი, სამოცდაორი წლის ასაკში გარდაიცვალა. ამის აშესახებ ინფორმაცია პირველად გამოცემა TMZ-მა გაავრცელა. მომღერალმა ტრაგედიის შემდეგ პირად ფეისბუქ გვერდზე ემოციური ტექსტი გამოაქვეყნა: “შენ ძალიან ადრე დატოვე ეს სამყარო. ჩემო საყვარელო შვილო, მწუხარებით ვხუჭავ თვალებს და შენზე ვფიქრობ.”
რონის მეუღლემ, აფიდა ტერნერმა სოციალურ მედიაში პოსტი და ფოტოები გამოაქვეყნა: “რონი ტერნერი იყო ჭეშმარიტი ანგელოზი. დიადი და უაღრესად წმინდა სულის მქონდე ადამიანი. ჩვიდმეტი წლის განმავლობაში იგი იყო საოცარი მეუღლე, საუკეთესო მეგობარი და მრჩეველი. მიუხედავად იმისა, რომ ყველა ღონე ვიხმარე, მე ვერ შევძელი მისი გადარჩენა. ეს ტრაგედიაა და დიდი უსამართლობა, მშვიდად განისვენე სამოთხეში.”
რონი მომღერალ თინა ტერნერის ოთხი შვილიდან, ყველაზე უმცროსი იყო. რონი 1960 წლის 27 ოქტომბერს, მუსიკოსების ოჯახში დაიბადა და ბავშვობიდან მუსიკით იყო გატაცებული. იგი Manufactured Funk-ში ბას გიტარაზე, მუსიკოს პატრიკ მონტენთან ერთად უკრავდა. 2007 წელს კი ფრანგ მომღერალ აფიდაზე დაქორწინდა. ბოლო წლებში მას ჯანმრთელობის პრობლემები აუწხებდა, ჰქონდა სიმსივნეც.
ტერნერის უფროსმა ვაჟმა კრეგიმ, 2018 წელს სიცოცხლე თვითმკვლელობით დაასრულა.
