ჟერარდ პიკესთან დაშორების რთული წლის შემდეგ 2023 წელი შაკირამ იმედისმომცემი გზავნილით დაიწყო.
„მიუხედავად იმისა, რომ ამ ახალ წელს ჩვენი ჭრილობები ისევ ღიაა, დროს ქირურგის ხელები აქვს. თუ ვინმემ გვიღალატა, სხვების ნდობა უნდა განვაგრძოთ. თუ შეურაცხყოფა მოგაყენეს, შენი თავის დაფასება უნდა განაგრძო. Რადგან კარგი ადამიანები უფრო მეტნი არიან, ვიდრე უღირსები. ემპათიურები უფრო მეტნი არიან, ვიდრე ინდიფერენტულები,” – წერს შაკირა.
„ისინი, ვინც გვტოვებენ, უფრო ცოტანი არიან მათთან შედარებით, ვინც ჩვენ გვერდით რჩებიან. ჩვენი ცრემლები ტყუილად არ მოდის. ისინი იმ ნიადაგს რწყავენ, საიდანაც ჩვენი მომავალი აღმოცენდება და ის უფრო კარგ ადამიანებად გვაქცევს. მაშინაც კი, როცა ტკივილისგან ვიტანჯებით, მაინც რომ შეგვეძლება სიყვარული.”
შაკირამ გზავნილი ესპანურ და ინგლისურ ენებზე გაავრცელა. Პოსტში არ არის დასახელებული ყოფილი მეუღლე, რომელსაც 12-წლიანი ურთიერთობის შემდეგ მომღერალი სულ რამდენიმე თვის წინ დაშორდა.
ოქტომბერში შაკირამ ახალი სიმღერა Monotonia გამოუშვა, რომელიც ასევე მის პირად ცხოვრებას ეხმაურება. იგი მღერის: „დამტოვე შენი ნარცისიზმის გამო/ დაგავიწყდა, ოდესღაც ვინ ვიყავით.” ვიდეოკლიპში კი სუპერმარკეტში მყოფ მომღერალს მისი ყოფილი პარტნიორი იარაღს მკერდში ესვრის. შაკირას გული ამოუვარდება და მის ნაცვლად დიდი სიცარიელე დარჩება.
Monotonia-ს გამოშვებამდე შაკირამ გამოცემა Elle-თან საუბარში აღნიშნა, რომ პიკესთან დაშორება მისი ცხოვრების ერთ-ერთი ყველაზე რთული მომენტი იყო.
ნახეთ შაკირას საახალწლო პოსტი
