Netflix-მა სერიალ Wednesday-ის მეორე სეზონი დააანონსა, რომელშიც ლედი გაგას  Bloody Mary ისმის

Bloody Mary ის სიმღერა, რომელიც TikTok-ის ვირუსული ტრენდის ინსპირაციად იქცა.

სტრიმინგ სერვისმა Netflix-მა დაადასტურა, რომ ჰიტად ქცეული სერიალის Wednesday-ის მეორე სეზონი დამტკიცდა. ახალი სეზონის პრემიერის თარიღი ჯერჯერობით უცნობია. შოუს აღმასრულებელმა პროდიუსერებმა განაცხადეს, რომ ვენდსდეი ადამსის როლში მაყურებელი კვლავაც ჯენა ორტეგას იხილავს.

Netflix-მა სიახლე ტრეილერით დააანონსა. ვიდეოში ლედი გაგას Bloody Mary ისმის. Bloody Mary ის სიმღერა, რომელიც სერიალთან დაკავშირებული TikTok-ის ვირუსული ტრენდის ინსპირაციად იქცა. თიზერში ვენდსდეი ადამსის ხმა ისმის. მთავარი გმირი აღნიშნავს, რომ ის მონსტრებისა და მოჩვენებების სამიზნე არაერთხელ გახდა, ამასთან ერთად კი, ინტერნეტში მასზე მილიონობით ვიდეო გავრცელდა.

Netflix-ის ერთ-ერთ ფორუმზე ჯენა ორტეგამ თავის გმირზე საუბრისას თქვა, რომ ვენდსდეი ხალხისათვის თავის მოწონებას არ ცდილობს. მსახიობის თქმით, პერსონაჟის ამ თვისებას პატივის სცემს.

Wednesday გამოსვლისთანავე Netflix-ის ერთ-ერთ ყველაზე პოპულარულ პროექტად იქცა და სტრიმინგ სერვისის რეკორდი მოხსნა. პრემიერიდან ერთი თვის შემდეგ გამოქვეყნებული მონაცემებით, მომხმარებლები სერიალს საერთო ჯამში 1,237 მილიარდი საათის განმავლობაში უყურებდნენ. ამ მაჩვენებლით, შოუ Netflix-ის ისტორიაში რიგით მეორე ყველაზე პოპულარული ინგლისურენოვანი სერიალი გახდა.

რაც შეეხება Bloody Mary-ის ტრენდს, სიმღერა ლედი გაგას 2011 წელს გამოცემული ალბომის Born This Way-ის ნაწილია. აღსანიშნავია, რომ სერიალში  სიმღერა გამოყენებული არ არის. ამის მიუხედავად, სოციალურ ქსელში ვირუსულად გავრცელებული ვიდეოების შემდეგ, კომპოზიცია Billboard-ის ჩარტებში ლიდერ პოზიციებზე დაბრუნდა. 

ნახეთ ვიდეო, რომლითაც Netflix-მა სერიალის მეორე სეზონი დააანონსა: 

Share
Tweet
Share
Share
Share

წინა სტატია

ANIK-მა ახალი მუსიკალური ვიდეო წარადგინა

შემდეგი სტატია

დეივ გროლი, Studio 666-ის პრემიერა, Foo Fighters-ის გამოსვლა. 2022 წლის 16 თებერვალი, ჰოლივუდი.

„ტეილორ ჰოკსინის გარეშე Foo Fighters – სხვა ჯგუფია, მაგრამ ის მაინც წინ მიიწევს“ – ნათქვამია ჯგუფის 2022 წლის ბოლო განცხადებაში

შეიძლება დაგაინტერესოთ

მარტინ სკორსეზემ Beatles-ის 1964 წლის ამერიკულ მოგზაურობაზე დოკუმენტური ფილმი გამოსცა, რომელშიც აქამდე უცნობი ვიდეომასალა შედის

ფილმი, სახელწოდებით Beatles ‘64, Disney+-ზე 29 ნოემბერს გამოვა.
მეტი
პაატა ვახტანგიშვილი - მსახიობი

 პაატა ვახტანგიშვილი: „თეატრი მიყვარს, მაგრამ ახლა კინოზეც ვფიქრობ“…

ჯერ კიდევ სკოლის მოსწავლე ვერის თეატრში სპექტაკლების საყურებლად ხშირად დადიოდა. ერთხელ წარმოდგენაშიც ჩართეს, თუმცა მაშინ მსახიობობაზე არ ფიქრობდა.…
მეტი