ჯიმი ჰენდრიქსის 80 წლის იუბილეს აღსანიშნავად ახალი წიგნი გამოვიდა. “Jimi” ლეგენდის არაბიოლოგიურმა დამ ჯენი ჰენდრიქსმა გამოუშვა. როგორც ავტორები ამბობენ, ეს არის ვიზუალური ოდა “როკ-ენ-როლის ისტორიაში ყველაზე დიდ გიტარისტს.”
წიგნი 320 გვერდიანია და 50 დოლარი ღირს. მასში ჰენდრიქსის იშვიათ და გამოუქვეყნებელ ფოტოებს, ტექსტებსა და მოგონებებს ნახავთ. ასევე პოლ მაკარტნის, ლენი კრავიცისა და სხვათა საუბრებს ჰენდრიქსის უკვდავ მუსიკალურ გავლენაზე.
1942 წლის 27 ნოემბერს სიეტლში დაბადებულმა ჯიმიმ პირველი გიტარა 15 წლის ასაკში შეიძინა. თუმცა სანამ მუსიკალურ კარიერას მიჰყოფდა ხელს, ჯარში წასვლა მოუწია. პირველად ის ცნობილი გახდა სიმღერებით “Purple Haze” და “Voodoo Child (Slight Return)”. ჰენდრიქსმა 1969 წელს ვუდსტოკის პირველ ფესტივალზე დაუკრა. მომდევნო წელს იგი 27 წლის ასაკში გარდაიცვალა.
საკულტო მუსიკოსის პატივსაცემად Montblanc-მა შეზღუდული რაოდენობით ჰენდრიქსის საწერ კალმები გამოუშვა, რომლებიც ეძღვნება მის სამ ალბომს: Are You Experienced, Electric Ladyland და Live at Woodstock.
წიგნის გამოცემასთან ერთად 18 ნოემბრისთვის დაანონსდა ლაივ-ალბომის გამოშვებაც “Jimi Hendrix Experience Los Angeles Forum: April 26, 1969” მომდევნო თვეში კი მუსიკოსის შემოქმედებისადმი მიძღვნილი კონცერტი გაიმართება, რომელშიც ვარსკვლავები მიიღებენ მონაწილეობას.
