Disney+ -მა საშობაოდ ერთმანეთს ორი საყვარელი ოჯახი შეახვედრა. საახალწლო ეპიზოდში ჰომერ სიმპსონი მეუღლეს მარჯს სიურპრიზს უკეთებს – მისთვის თავად ანდრეა ბოჩელი და მისი შვილები მღერიან.
Disney+
თუმცა საახალწლო მხიარულება ამით არ სრულდება. 15 დეკემბერს იტალიელი საოპერო ვარსკვლავისა და მისი ორი შვილის სიმღერაც გამოვა, რომელიც სიმპსონების ეპიზოდშიც ჟღერს. კომპოზიცია Feliz Navidad შესულია სადღესასწაულო ალბომში A Family Christmas, რომელიც ანდრეას, მატეოსა და ვირჯინიას პირველი ერთობლივი ალბომია.
სიმპსონებისა და ბოჩელის ოჯახის საახალწლო ეპიზოდი სიმპსონების 33 წლის იუბილემდე 2 დღით ადრე გამოვა. შოუს პრემიერა 1989 წლის 17 დეკემბერს შედგა.
