ბიონსემ, რიანამ და ტეილორ სვიფტმა Billboard-ის ჩარტებში მოწინავე ადგილები უკვე დაიკავეს და ახლა Forbes-ის რეიტინგის სათავეშიც მოხვდნენ. Forbes-მა მსოფლიოს 100 ყველაზე გავლენიანი ქალის ნუსხა გამოაქვეყნა, სადაც სამი პოპ ვარსკვლავიც მოხვდა.
რიანამ Forbes-ის ასეულში, სამოცდამეცამეტე ადგილი დაიკავა. მომღერალს მილიარდერის სტატუსი აქვს. რიანას მიღწევად Fenty Beauty და Savage x Fenty-ს ბიზნესი დასახელდა. გამოცემის თანახმად მისი ქონება 1,4 მილიარდ დოლარს შეადგენს და მსოფლიოში უმდიდრეს ადამიანთა სიაში, ორი ათას ოცდამეთერთმეტე ადგილს იკავებს.
რიანას შემდეგ სამოცდამეცხრამეტე ადგილზეა ტეილორ სვიფტი. მისი წლის წარმატება ახალ ალბომ Midnights უკავშირდება. Forbes-ის თანახმად, 2022 წელს მისი ქონება 570 მილიონი დოლარს შეადგენს.
Forbes-ის სიაში ბიონსე 80-ე ადგილს იკავებს. მისი ქონება 450 მილიონ დოლარად არის შეფასებული. გამოცემამ ბიონსეს და Jay-Z-ს ტურნე გაიხსენა, თითოეული შოუს შემოსავალი ხუთ მილიონ დოლარზე მეტს შეადგენდა. ჯამში კი მათ 250 მილიონ დოლარზე მეტი გამოიმუშავეს.
Forbes-ის ყველაზე გავლენიანი ქალთა სია ყოველწლიური რეიტინგია, რომელიც საზოგადოებაში მათი გავლენით, ქონებრივი რესურსით და სფეროს მიხედვით განისაზღვრება.
