ვარდისფერთმიანმა ქანთრი სუპერვარსკვლავმა, ჰიტების მიქსი და ახალი სიმღერა Waking While Dreaming შეასრულა. მუსიკოსმა Music Icon-ის ჯილდოც მიიღო.
People’s Choice Awards-ზე შანაია ტვეინმა დაამტკიცა, რომ მან Music Icon-ის ჯილდო ღირსეულად მიიღო.
პერფორმანსის დროს მან ჰიტები Any Man of Mine, That Don’t Impress Me Much, Man! I Feel Like a Woman! და უახლესი სიმღერა Waking Up Dreaming შეასრულა. ამ უკანასკნელში კი მომღერალმა სიმღერის ტექსტი, სადაც ბრედ პიტი იყო ნახსენები, სიტყვა Impress-ით (შთაბეჭდილება) შეცვალა.
This Ryan Reynolds shoutout really was something special. #PCAs pic.twitter.com/STQtnI4YQI
— E! News (@enews) December 7, 2022
შანაია ტვეინს გამოსვლის შემდეგ ჯილდო მისმა მეგობარმა, მსახიობმა ბილი პორტერმა გადასცა. ტვეინი, კი გულისამაჩუყებელი სიტყვით წარსდგა:
„დიდი მადლობა, რომ ეს ჯილდო მაჩუქეთ. ჩემი დიდი სურვილი იყო, ჩემი მუსიკა ხალხისთვის შთაგონების წყარო გამხდარიყო. მუდამ ვფიქრობ დედაჩემზე, რომელიც სულ მენატრება. ის ჩემით და ამ მომენტით იამაყებდა. ჩემი გულშემატკივრები, მეგობრები და ჩემი გუნდი აქ არიან. დედაჩემი კი მუდამ ჩემს გვერდითაა და ნამდვილად ვიცი, რომ ჩემს სიხარულს იზიარებს. ჩვენ ერთად ვზეიმობთ, ის მე სიყვარულით მავსებს და თავს განსაკუთრებულად მაგრძნობინებს. მე კი ყოველთვის მადლობელი ვიქნები მისი.“
მომღერალმა ასევე ხაზი გაუსვა თავის ჩაცმის სტილსაც: „უბრალოდ მივდიოდი კარადასთან და ვიღებდი რაც მქონდა, ან მივდიოდი მაღაზიაში და ტანსაცმელს ბიუჯეტურად ვყიდულობდი. შემდეგ ჩემი ფანტაზიით ვჭრიდი და ვკერავდი.“
შანაია ტვეინმა ახალგაზრდა თაყვანისმცემლებსაც მიმართა: „მინდა ვთქვა რომ ძალიან მიყვარხართ, იყავით ინდივიდუალურები თქვენი გიჟური იდეებით. იყავით მამაცები და დაიმახსოვრეთ, რომ ძალა რაოდენობაშია. ჩვენ ამ ყველაფერში ერთად ვართ და ეს ერთად ყოფნა სიყვარულია, როცა ცხვირ წინ კარს გიკეტავენ, გაიქეცით ამ კარისკენ და შეამტვრიეთ. მერწმუნეთ არ ინანებთ“
ნახეთ შანაია ტვეინის სრული გამოსვლა:
The queen of country pop performs LIVE at the #PCAs! 🎤🎶 @ShaniaTwain @peopleschoice pic.twitter.com/QnOc6Noq5y
— NBC Entertainment (@nbc) December 7, 2022
