ბლეიკ შელტონი ჯენიფერ ჰადსონის შოუს ეწვია და გაიხსენა ამბავი, როცა მას საშობაოდ თხა აჩუქა.
„მომენატრე. ჩვენ გვინდოდა, რომ „ვოისში” დაბრუნებულიყავი და არა ეს გიჟური შოუ დაგეწყო!” – იხუმრა ქანთრის ვარსკვლავმა.
შემდეგ საუბარი იმ საჩუქრებზე ჩამოვარდა, რომლებსაც წლების განმავლობაში მეგობრები ერთმანეთს სჩუქნიდნენ. ამ დროს ჰადსონი აუდიტორიას მიუბრუნდა: „იცით, რომ ერთხელ ბლეიკმა თხა გამომიგზავნა?” როგორც შემდეგ გაირკვა, ეს საჩუქარი ჰადსონის 13 წლის ვაჟის თხოვნა იყო, რომელიც ფერმის ცხოველებით იყო დაინტერესებული.
„მგონი შენც გითხარი, რომ მინდოდა, მისთვის საშობაოდ თხა მეჩუქებინა. ჰოდა, ჯუჯა თხა ვაჩუქე. თვითმფრინავი დამჭირდა, რომ ოკლაჰომიდან ჩიკაგოში ჩამეყვანა. სხვათა შორის, თხამ პირველი კლასით იმგზავრა.”
ჰადსონმა თქვა, რომ მისმა ვაჟმა ჯუჯა თხას პრენსერი დაარქვა და აღნიშნა, რომ მისთვის ეს ერთ-ერთი დასამახსოვრებელი შობა იყო.
ნახეთ ვიდეო
