მისი ელიოტი ლიზოს დიდი ფანია. Entertainment Weekly-ზე გამოქვეყნებულ სტატიაში რეპერმა გაამხილა, რომ დარწმუნებულია, მომავალში ლიზო ლეგენდარული მუსიკოსი გახდება.
„მახსოვს ჩვენი პირველი შეხვედრა სტუდიაში. მაშინვე ვიცოდი, რომ გასაოცარი იყო. ის შემოვიდა, მუსიკა გაიგონა, შევიდა ხმის ჩამწერ ოთახში და სიმღერა დაიწყო. საკუთარ თავს მივამსგავსე. გამახსენდა ის პერიოდი, როცა შოუ-ბიზნესში პირველად მოვედი. ვუთხარი კიდეც: შენ ძალიან მაგონებ ჩემს თავს. მაშინვე ვიგრძენი მასთან კავშირი.”
მისი ელიოტი ლიზოს ალბომზეც (Special) საუბრობს. „მთელი ალბომი მიყვარს. ჩართავ და ისწავლი შენი თავის სიყვარულს, მეგობრების სიყვარულს. ის ბედნიერს მხდის. თითქოს ცოტა დისკოა, ცოტა ჰიპ-ჰოპი. მე ვფიქრობ, რომ ლიზო კლასიკაა და ლეგენდად იქცევა. იგი ერთ-ერთია იმ არტისტთა შორის, რომლებიც ყოველთვის გაიყიდებიან. რისი გაკეთებაც არ უნდა მოინდომოს, მჯერა, ყველაფერში საუკეთესო იქნება”, – ამბობს ელიოტი.
ლიზო კი მისი ელიოტის ფანია. ნოემბერში, როცა რეპერი ტურნეზე ესტუმრა, მან ფოტო გაავრცელა წარწერით: „ჩემი სახე მას შემდეგ, რაც მისი ელიოტი მესტუმრა. შენთან ერთად სცენაზე დგომა ჩემი ოცნებაა. ჩემი კუმირი! მიყვარხარ! მადლობა!”
