ჰარი სტაილსმა სოციალურ ქსელში განვლილი წელი შეაფასა.
„2022 წელმა ჩემი ცხოვრება შეცვალა”, – დაწერა პოპვარსკვლავმა შავ-თეთრ ფოტოზე, სადაც ცარიელი სტადიონის სცენაზე დგას. „მადლობას გიხდით ყველას, ვინც მხარს მიჭერდით. ამას არასდროს დავივიწყებ. იმედი მაქვს, თქვენი წლის დასასრული ბედნიერებითა და მშვიდობით იქნება სავსე. ყველანი მიყვარხართ. მომავალ წელს შევხვდებით. H. ”, – დაწერა სტაილსმა.
2022 ვარსკვლავისთვის ნამდვილად წარმატებული წელი იყო, მსოფლიო ტურნედან დაწყებული, მესამე სტუდიური ალბომის გამოცემით დასრულებული. იგი „გრემის“ დაჯილდოების 6 ნომინაციაშია წარდგენილი. სიმღერამ As It Was კი „ცხელი ასეულის” პირველ ადგილზე 15 კვირა გაატარა. ამით სტაილსმა ახალი რეკორდი დაამყარა.
წელს Ჰარი სტაილსმა ძალები კინოინდუსტრიაშიც მოსინჯა და ორ ფილმში – Don’t Worry Darling და My Policeman მთავარი როლი შეასრულა.
ნახეთ სტაილსის ინსტაგრამ პოსტი
