2023 წლის 21 ივლისს ფილმის, Barbie-ის პრემიერა შედგება. 16 დეკემბერს კინოსურათის პირველი ტრეილერიც გამოქვეყნდა. მთავარ როლებს მარგო რობი და რაიან გოსლინგი ასრულებენ. თუმცა სოციალური მედიის დაკვირვებულმა მომხმარებლებმა შენიშნეს, რომ ფილმის ინსტაგრამის ოფიციალურ გვერდს მხოლოდ 15 ადამიანი ჰყავს გამოწერილი და ერთ-ერთი მათგანია მომღერალი Dua Lipa.
ამის შემდეგ, ფანებმა სოციალურ მედიაში სხვადასხვა მოსაზრების გავრცელება დაიწყეს. პოსტების ავტორები აღნიშნავენ, რომ მომღერალი Barbie-ის პროექტშია ჩართული. ყველაზე პოპულარული თეორიის მიხედვით, Dua Lipa-მ ფილმის საუნდტრეკზე იმუშავა.
📲 | The @Barbie Movie Instagram page is now active, and has followed @DUALIPA, fuelling rumours of her involvement in the movie
— Dua Lipa Hungary (@dlipahungary) December 16, 2022
— The first teaser trailer is expected to drop later today pic.twitter.com/aXWPoepHJd
პოპ ვარსკვლავს და ფილმის შემოქმედებით გუნდს გავრცელებულ ხმებზე კომენტარი არ გაუკეთებიათ. მედიაში დაწყებული ხმაურის შემდეგ, Barbie-ის ინსტაგრამმა Dua Lipa-ს გამოწერაც გაუუქმა.
Barbie კინოსტუდია Warner Bros.-ის პროექტია. Barbie-ის რეჟისორი და სცენარის თანაავტორი გრეტა გერვიგია. მარგო რობისა და რაიან გოსლინგის გარდა, ფილმის სამსახიობო შემადგენლობა არაერთ ვარსკვლავს აერთიანებს.
ნახეთ Barbie-ის პირველი ტრეილერი:
