17 დეკემბერს, Lizzo ცნობილი ამერიკული სატელევიზიო პროგრამის, Saturday Night Live-ის სტუმარი გახლდათ. 2022 წელს, ეს NBC-ის კომედიური სკეტჩ-შოუს ბოლო ეთერი იყო. მას ფილმ Elvis-ის ვარსკვლავი, ოსტინ ბატლერი უძღვებოდა.
შოუს წინასაახალწლო ეპიზოდში Lizzo-ს პირველი მუსიკალური ნომერი Break Up Twice იყო. ამის შემდეგ კი ვარსკვლავმა სტივი უანდერის 1967 წლის კალსიკად ქცეული სიმღერის, Someday at Christmas ქავერი შეასრულა.
„გადავწყვიტე, Someday at Christmas შემესრულებინა. არამხოლოდ იმიტომ, რომ ის კლასიკაა – ეს სიმღერა მახსენებს, რომ 60 წლის შემდეგაც ჩვენ კვლავ ვიბრძვით მშვიდობის, თანაგრძნობისა და თანასწორობისათვის. ეს არის მეგობრული შეხსენება იმისა, რომ სადღესასწაულო დღეებში სიკეთე და სიყვარული გავავრცელოთ.“ – აღნიშნა მომღერალმა.
გარდა იმისა, რომ Lizzo შოუს მუსიკალური სტუმარი იყო, მომღერალმა ოსტინ ბატლერთან ერთად, SNL-ის სკეტჩშიც მიიღო მონაწილეობა.
ნახეთ ვიდეო, რომელშიც მომღერალი Someday at Christmas-ს ასრულებს:
