ერეკლე გეწაძის და ელენე კალანდაძის დუეტმა პროექტ SUNDAIZ.-ის ფარგლებში ახალი ალბომი გამოუშვა

Daylight – ასე ჰქვია Lofi ჰიპ-ჰოპის ჟანრის ალბომს და ის რვა კომპოზიციას აერთიანებს.

ერეკლე გეწაძის და ელენე კალანდაძის დუეტმა ცოტა ხნის წინ ახალი პროექტი, სახელწოდებით SUNDAIZ. წარადგინა, რომელიც Lofi ჰიპ-ჰოპის ჟანრის კომპოზიციებს აერთიანებს. ახლახან SUNDAIZ.-ის რიგით მეორე სტუდიური ალბომი სახელწოდებით Daylight გამოვიდა, რომელიც რვა კომპოზიციას აერთიანებს. 

Daylight ჩვენი წინა ალბომის, Sundays and Chill-ის ერთგვარი ლოგიკური გაგრძელებაა. მუშაობას რაც შეეხება, ყველა ვოკალის პარტია არის ე.წ. Take 1, რაც ნიშნავს, რომ ალბომში პირველივე დუბლია ჩასმული. ვფიქრობ, პირველი დუბლები ყოველთვის ყველაზე გულწრფელი გამოდის ხოლმე.” – ამბობს ელენე კალანდაძე Billboard Georgia-სთან საუბრისას.

აღსანიშნავია, რომ SUNDAIZ.-ის პირველი ალბომი გერმანულ ლეიბლ Lofi Cult-ზე გამოვიდა, Daylight კი –  LTB music-ით გამოიცა, რომელიც საქართველოში დაფუძნებული ლეიბლია. 

ერეკლე გეწაძის და ელენე კალანდაძის მუსიკალური დუეტი მსმენელის დიდი აუდიტორიისათვის ცნობილი პროექტ Bad Habitz-დან გახდა. რაც შეეხება SUNDAIZ.-ს, Lofi ჰიპ-ჰოპის ჟანრის პროექტი მსმენელს Bad Habitz-საგან განსხვავებულ მუსიკალურ გამოცდილებას სთავაზობს. 

„დატვირთული დღეების შემდეგ, Lofi ჰიპ-ჰოპის მოსმენა ძალიან სასიამოვნოა. Მე და ელენე Youtube-ზე ხშირად ვუსმენდით ხოლმე Lofi რადიოს, თუმცა ბოლო პერიოდში, რადიო არხებზე  გასული კომპოზიციები თითქოს აღარ იყო საკმარისი. ამიტომაც გადავწყვიტეთ, გაგვეკეთებინა ისეთი Lofi ტრეკები, რომელთა მოსმენის მოთხოვნილებაც თავადვე გვქონდა. აი ასე დაიბადა SUNDAIZ.

პროექტის ხასიათი და კონცეფცია დიდად არ განსხვავდება სხვა Lofi პროექტებისგან – ჩვენთანაც შენარჩუნებულია იაპონური ანიმეს ესთეტიკა, ნოსტალგიური ჟღერადობა და სევდიანი ხასიათი.“ – ერეკლე გეწაძე. 

როგორც არტისტები აღნიშნავენ, Bad Habitz-ისგან განსხვავებით, SUNDAIZ. საქართველოში ჯერჯერობით დიდი პოპულარობით არ სარგებლობს. თუმცა, როგორც აღმოჩნდა, სტრიმინგ პლატფორმების რეიტინგების მიხედვით, პროექტს ქვეყნის საზღვრებს მიღმა საკმაოდ ბევრი მსმენელი ჰყავს. 

„ჩვენი მსმენელი აუდიტორიის მონაცემების მიხედვით, საქართველო ამ ეტაპზე არცერთ მუსიკალურ პლატფორმაზე ტოპ ოცეულშიც კი არ არის. თუმცა გვინდა, სიამაყით აღვნიშნოთ, რომ  SUNDAIZ.-ს, რომლის წარდგენიდან ჯერ ორი თვეც კი არ გასულა, ამ დროისათვის  Spotify-ზე  უკვე 14 100-ზე მეტი სტრიმი აქვს. ასევე აღსანიშნავია, რომ მუსიკალურ პროექტს აშშ-დან და ევროპის სხვადასხვა ქვეყნიდან 7000-მდე ყოველთვიური მსმენელი ჰყავს“ –  ერეკლე გეწაძე.  

Bad Habitz-ის წარმატების შემდეგ, მუსიკოსები გეგმავენ, რომ მათი ახალი პროექტი  SUNDAIZ. დიდ აუდიტორიას გააცნონ. 

„ჩვენი მსმენელი დიდ მოტივაციას გვაძლევს, შესაბამისად, არ ვაპირებთ გაჩერებას და სულ მალე მორიგ ახალ ალბომსაც გამოვუშვებთ“ – ელენე კალანდაძე. 

მოუსმინეთ SUNDAIZ.-ის ალბომს – Daylight:

Share
Tweet
Share
Share
Share

წინა სტატია

Lizzo-ს სახლში უამრავი ნაძვის ხე დგას: „ნამდვილი სანტა კლაუსი ვარ”

შემდეგი სტატია

შერიმ და კელი კლარკსონმა უილი ნელსონის შესახებ ისტორიები გაიხსენეს

შეიძლება დაგაინტერესოთ

ფრიდა კალოს მუზეუმის მიერ გავრცელებულ განცხადებაში ნათქვამია, რომ ტანსაცმელი, რომელიც მადონას სოციალურ ქსელში ატვირთულ ფოტოებში აცვია, მუზეუმის კოლექციას არ მიეკუთვნება

მუზეუმი მადონას მიერ ატვირთულ პოსტს გამოეხმაურა.
მეტი

გერმანელი გამომცემელი და რეჟისორი ანა მიულერი სოხუმის თეატრში ლექციას გამართავს

ანა მიულერი მსოფლიოში სახელგანთქმული მწერლის, პოეტისა და დრამატურგის, ჰაინერ მიულერის ქალიშვილია.
მეტი

ამერიკაში მოღვაწე ქართველმა პიანისტმა ლიანა ფაილოძე-ჰარონმა ქართული ნაწარმოებების ალბომი გამოსცა

ალბომი სახელწოდებით „ქართლი: საქართველოს ისტორიები” ქართველი კომპოზიტორების 12 ნაწარმოებს აერთიანებს.
მეტი

ტომ ჰენკსმა თავის შვილს სთხოვა, დრეიკის და კენდრიკ ლამარის დაპირისპირების ისტორია აეხსნა

„ეს ნამდვილი სიტყვების ომია. და ადამიანები ამაში მხარეებს ირჩევენ? ვინ იმარჯვებს?,” - ვკითხულობთ ტომ ჰენკსის მიწერილ ტექსტში.
მეტი
ANIK - mixtape 91011

ANIK-ის სადებიუტო მიქსთეიფი  – 91011

პროექტში შესული სამივე სიმღერა Dog Days, Burden და „დღე და ღამე” საერთო კონცეფციის მატარებელია, სადაც ქართული მუსიკის ელემენტები თანამედროვე ჟღერადობასთან არის შერწყმული.
მეტი