საშობაო სეზონზე Lizzo-მ სახლში უამრავი ნაძვის ხე დადგა.
CBS-სთვის მიცემულ ინტერვიუში მომღერალი ლოს ანჯელესში მის პირველ სახლზე საუბრობს და ამბობს, რომ ის საშობაო დეკორაციებით აავსო.
„ეს იმის გამოა, რომ დიდი ხანი არაფერი გამაჩნდა. ახლა კი, როცა ჩემი სახლი მაქვს, ზედმეტად ვზრუნავ მასზე. ნამდვილი სანტა კლაუსი ვარ.”
ლიზო საკუთარი სახლის ქონის ბედნიერებაზე საუბრობს. 2019 წლამდე, სანამ ის პირველ წარმატებას მიაღწევდა, მომღერალსა და რეპერს ხშირად ღამის გათენება მანქანაში უწევდა.
„სხვების სახლებში ვრჩებოდი და მათ დივნებზე ვიძინებდი. ახლა ბოლო ტურნეს განმავლობაში ძალიან კარგ სასტუმროებში ვჩერდებოდი, მაგრამ სულ სახლი მენატრებოდა. ერთი სული მაქვს, ჩემს საკუთარ სახლში მოვიდე და ჩემს საწოლში დავწვე. ეს ჩემს ცხოვრებაში პირველად ხდება.”
Lizzo-ს საკმაოდ წარმატებული 2022 წელი ჰქონდა. მისი ჰიტი About Damn Time ბილბორდის ცხელ ასეულში 4 კვირის განმავლობაში ლიდერობდა და 2023 წლის „გრემის” ორ ნომინაციაშია წარდგენილი.
ნახეთ მონაკვეთი Lizzo-ს ინტერვიუდან
