დოლი პარტონმა წარმატებული ქორწინების საიდუმლო გაამხილა. „მიყვარს, როცა მეკითხებიან: ამდენი ხანი როგორ გაძელით? იცით, ამაზე ძალიან ბევრის თქმა შეიძლება. ჩვენ გამუდმებით ერთმანეთის სახეებს არ ვუყურებთ. ის არ არის ჩემს სფეროში, ასე რომ, განსხვავებული ინტერესები გვაქვს. თუმცა ერთადაც ბევრი რამის კეთება გვიყვარს. ვფიქრობ, ეს უბრალოდ ასე უნდა ყოფილიყო. კარლი იყო ის ერთადერთი, რომელიც ჩემთან უნდა ყოფილიყო და, პირიქით.
Პარტონი მომავალ მეუღლეს ნეშვილში ჩასვლის პირველივე დღეს შეხვდა. წყვილი იმ დღიდან ერთადაა. „ჩვენ ორივეს გვაქვს იუმორის გრძნობა და მე ვფიქრობ, რომ იუმორი ერთ-ერთი საუკეთესო რამაა, როცა დაქორწინებული ხარ. თუ კარგი იუმორის გრძნობა გაქვს, მაშინაც კი, როცა ისეთ რამეს იტყვი, რომელსაც უკან ვეღარ წაიღებ, სულ გაქვს გიჟური გზა, რომ სიტუაციიდან გამოძვრე.”
დოლი პარტონს საკმაოდ წარმატებული დეკემბერი ჰქონდა. მომღერალი TikTok-ს შეუერთდა, სტუმრად იყო კელი კლარკსონის შოუში. მისი ალბომი საუკეთესო ქანთრი ალბომების ტოპ ხუთეულში მოხვდა. თვის ბოლოს კი ნათლულთან, მაილი საირუსთან ერთად NBC-ს საახალწლო გამოშვების თანაწამყვანი იქნება.
