ტეილორ სვიფტის სიმღერა Anti-Hero რადიო სიმღერების ჩარტებში პირველ ადგილს იკავებს

სვიფტი პირველი არტისტია, ვინც ამ ჩარტებში, 2000-იანი, 2010-იანი და 2020-იანი წლების მონაცემებით, ყველა ათწლეულში ლიდერ პოზიციაზე მოხვდა.

ტეილორ სვიფტის სიმღერა, სახელწოდებით Anti-Hero შეერთებული შტატების მასშტაბით, რადიო არხებზე ყველაზე ხშირად მოსმენილი კომპოზიცია გახდა. სიმღერამ Billboard-ის რადიო სიმღერების ჩარტებში პირველი ადგილი დაიკავა. რადიოს აუდიტორიის მონაცემების მიხედვით, Anti-Hero-ს მსმენელთა რიცხვმა 79.4 მილიონი შეადგინა.

აღნიშნული შედეგით, სვიფტი პირველი არტისტია, ვინც ამ ჩარტებში, 2000-იანი, 2010-იანი და 2020-იანი წლების მონაცემებით, ყველა ათწლეულში  ლიდერ პოზიციაზე მოხვდა. კიდევ ერთი მომღერალი, რომელიც რადიო სიმღერების ჩარტებში სამი ათწლეულის განმავლობაში ლიდერ პოზიციას იკავებდა, ქრისტინა აგილერაა. 1990-იან წლებში პირველ ადგილზე მისი სიმღერა Genie in a Bottle(1999), 2000-იან წლებში – Lady Marmalade(2001) და 2010-იან წლებში – Moves Like Jagger(2011) იყო. ეს სიმღერა ჯგუფ Maroon 5-თან ერთად სრულდება. 

უკვე  მეორე კვირაა, რაც Anti-Hero Billboard-ის Pop Airplay-ის ჩარტების პირველ ადგილს იკავებს. ამასთან ერთად, მეხუთე კვირაა, რაც კომპოზიცია Adult Pop Airplay-ის ჩარტებშიც ლიდერობს. 

5 ნოემბრის მონაცემებით, Anti-Hero „Billboard-ის ცხელი ასეულის“ ჩარტებში, ყველა ჟანრის სიმღერების ლიდერი იყო. ამ შედეგით სვიფტი ისტორიაში პირველ არტისტად იქცა, რომელმაც ერთი კვირის განმავლობაში ჩარტების ტოპ ათი პოზიცია დაიკავა. ყველა ეს კომპოზიცია შესულია მომღერლის ახალ ალბომში, სახელწოდებით Midnights. 

რაც შეეხება სიმღერას Anti-Hero, ის „Billboard-ის ცხელ ასეულში“ პირველ ადგილს ექვსი კვირის განმავლობაში იკავებდა. ამ შედეგით, Anti-Hero ისტორიაში მეათე სიმღერა გახდა, რომელიც ამ ჩარტების პირველ ადგილზე, სულ მცირე, ხუთი კვირის განმავლობაში იყო წარმოდგენილი. 

Share
Tweet
Share
Share
Share

წინა სტატია

DEENA – ახალი თაობის არტისტი

შემდეგი სტატია

დოლი პარტონი 56-წლიანი ქორწინების საიდუმლოს აზიარებს: „იუმორის გრძნობა“

შეიძლება დაგაინტერესოთ

ფრიდა კალოს მუზეუმის მიერ გავრცელებულ განცხადებაში ნათქვამია, რომ ტანსაცმელი, რომელიც მადონას სოციალურ ქსელში ატვირთულ ფოტოებში აცვია, მუზეუმის კოლექციას არ მიეკუთვნება

მუზეუმი მადონას მიერ ატვირთულ პოსტს გამოეხმაურა.
მეტი

გერმანელი გამომცემელი და რეჟისორი ანა მიულერი სოხუმის თეატრში ლექციას გამართავს

ანა მიულერი მსოფლიოში სახელგანთქმული მწერლის, პოეტისა და დრამატურგის, ჰაინერ მიულერის ქალიშვილია.
მეტი

ამერიკაში მოღვაწე ქართველმა პიანისტმა ლიანა ფაილოძე-ჰარონმა ქართული ნაწარმოებების ალბომი გამოსცა

ალბომი სახელწოდებით „ქართლი: საქართველოს ისტორიები” ქართველი კომპოზიტორების 12 ნაწარმოებს აერთიანებს.
მეტი

ტომ ჰენკსმა თავის შვილს სთხოვა, დრეიკის და კენდრიკ ლამარის დაპირისპირების ისტორია აეხსნა

„ეს ნამდვილი სიტყვების ომია. და ადამიანები ამაში მხარეებს ირჩევენ? ვინ იმარჯვებს?,” - ვკითხულობთ ტომ ჰენკსის მიწერილ ტექსტში.
მეტი
ANIK - mixtape 91011

ANIK-ის სადებიუტო მიქსთეიფი  – 91011

პროექტში შესული სამივე სიმღერა Dog Days, Burden და „დღე და ღამე” საერთო კონცეფციის მატარებელია, სადაც ქართული მუსიკის ელემენტები თანამედროვე ჟღერადობასთან არის შერწყმული.
მეტი