ორბელიანის მოედანზე გიორგი გიგაშვილის, ნინი ნუცუბიძისა და კატო კვარაცხელიას კონცერტი გაიმართა. ახალგაზრდა მუსიკოსებმა ცნობილი ქართული და უცხოური სიმღერების საკუთარი ვერსიები შეასრულეს.
გიორგი გიგაშვილი:
„დღეს უკვე ძველით ახალი წელია და ვასრულებთ საახალწლო დღეების აღნიშვნას. და ვასრულებთ ძალიან ბედნიერად არაჩვეულებრივ მუსიკოსებთან – ნინი ნუცუბიძესთან, კატო კვარაცხელიასთან, ნიკალა ზუბიაშვილთან და დათა მუნჯიშვილთან ერთად. შევასრულეთ ყველასთვის ცნობილი სიმღერები, მათ შორის საახალწლო კომპოზიციებიც. Ხალხიც საზეიმო განწყობაზეა და ყველა ერთად ძალიან კარგად გავერთეთ.”
კატო კვარაცხელია:
„ძალიან მიხარია, როცა მსმენელს გარეთ ვხვდებით, სადაც დასწრება თავისუფალია და ყველა ახერხებს მოსვლას და მოსმენას. Მე და ნინიმ სპეციალურად ამ საღამოსთვის გავაკეთეთ ახალი კომპოზიცია და პირველად ვიმღერეთ ერთად. Ძალიან კარგი კონცერტი გამოვიდა.”
კონცერტი ფესტივალ „ქარავანის” ფარგლებში გაიმართა და მისი დასკვნითი ღონისძიება იყო. „ქარავანი” ორბელიანის მოედანზე 23 დეკემბერს გაიხსნა და 22 დღის განმავლობაში სტუმრებს სხვადასხვა გასართობ პროგრამას სთავაზობდა.
ანანო გომართელი – ფესტივალ „ქარავანის” აღმასრულებელი მენეჯერი:
„Ძალიან დატვირთული სეზონი გამოვიდა, ბევრი სტუმარი გვყავდა. Რაც მთავარია, ის, რომ ხალხისთვის დღესასწაული მოგვეწყო და აქ მოსვლა საინტერესო და სასიამოვნო ყოფილიყო, მგონია, რომ გამოგვივიდა. ამაში ძალიან დაგვეხმარნენ ქართველი არტისტები და თბილისის მერია, რომლის მხარდაჭერის გარეშეც ფესტივალი ასეთი არ იქნებოდა. „ქარავანი” ორბელიანის მოედანზე უკვე გაზაფხულზე დაბრუნდება და რამდენიმე თვის განმავლობაში ყოველ შაბათ-კვირას გაიმართება.”
