RIHA-ს მესამე ალბომი – Amaghleba Street

Რიჰა სვანური სიტყვაა და განთიადს, სინათლეს ნიშნავს.
RIHA

RIHA-მ, იგივე რატი ონიანმა, მესამე ალბომი გამოუშვა. ალბომის სახელწოდებაა Amaghleba Street და ის 16 კომპოზიციას აერთიანებს. ალბომის პრეზენტაცია და მოსმენა Mutant Radio-ში შედგა.

RIHA (რატი ონიანი):

ალბომი ძალიან მრავალფეროვანია მუსიკალურად. ექსპერიმენტულია, ცოტა ელექტრონულიც, არის ჯაზიც, ფოლკიც, ემბიენთიც.  Მუსიკას ძირითადად ბას გიტარის თემებზე ვქმნი და მთავარი ინსტრუმენტი ყველგან ბასია. საქართველოში ამ ინსტრუმენტს ძირითადად ფონად უკრავენ ხოლმე. მე კი ლიდ-ბასისტი ვარ. ბასით გამოვხატავ იმას, რასაც სხვები უფრო მელოდიური ინსტრუმენტებით გამოხატავენ.

ეს ალბომი მამას ხსოვნას მივუძღვენი. მამა თბილისში გამორჩეული მელომანი იყო და სწორედ მან მოახდინა ძალიან დიდი გავლენა ჩემზე, როგორც მუსიკოსზე. თვითონ მხატვარი იყო და ჩემი სამივე ალბომის ყდაზე სწორედ მისი ნამუშევრებია. ზოგადად Მგონია, რომ ეს ალბომი იმ ადამიანებისთვისაა, ვინც რაღაც სულიერი დანაკარგი განიცადა. გმირებზეა ეს ალბომი, ჩვენს გმირებზე. მამა ჩემი გმირი იყო, მაგრამ მგონია, რომ სულ გვხვდებიან ცხოვრებაში გმირები, მთავარია, ვხედავდეთ მათ. ხასიათობრივი ალბომია, მაგრამ იმედიც დევს შიგნით. სახელწოდებას რაც შეეხება, ბოლო დროს ისე ხდებოდა, რომ რამდენიმე ქალაქში დავაფიქსირე, რომ სულ ამაღლების ქუჩაზე ვხვდებოდი. ეს იდეაც აქედან წამოვიდა. შემდეგ გადავწყვიტე, რომ სახელწოდება ორენოვანი ყოფილიყო და დავარქვი Amaghleba Street. ყველა ადამიანს სჭირდება შინაგანი ამაღლება, მშვიდობა და ეს ალბომიც ეგეთია.”

რიჰა სვანური სიტყვაა და განთიადს, სინათლეს ნიშნავს. როგორც სახელში, ისევე მუსიკოსის მთელ შემოქმედებაშიც მთავარი ხაზი სწორედ მისი სვანური ფესვებია. 

ერთადერთი რამ, რაც ჩემს მუსიკაში სულ არის, ეს სვანური ფესვებია. ალბომის ყდაზეც, რომელიც დათო ჯანიაშვილმა გადაიღო, სვანური ქუდი მახურავს. თვითონ ალბომშიც Გამოვყოფდი კომპოზიციას, რომელსაც ჰქვია ლემშახულდ”, რაც სვანურად ლომების საძმოს ნიშნავს. ეს ის ადგილია, საიდანაც ჩემი გვარი მოდის. ამ კომპოზიციას ვასრულებ Askeesi-სთან (ბექა გაჩავა) ერთად . RIHA ხომ ცოტა ექსპერიმენტულია, ბექა კიდევ დეპრესიულ-ატმოსფერულ ბლექ-მეტალს უკრავს და ძალიან უცნაური სინთეზი გამოვიდა. ქართულ მუსიკაში არც ყოფილა ეგეთი. ლემშახულდი” კიდევ იმითაა განსაკუთრებული, რომ ალბომის ვერსიაში მთავრდება სვანური სიმღერით, რომელიც სვანეთშივე ჩავწერე. შვანარს ხვაი გვიშიალა”  – სვანებმა ბევრი ვიომეთ – ასე ჰქვია ამ სიმღერას, რომელსაც სვანური ქალთა გუნდი ასრულებს. ამ კომპოზიციაზე ვიდეოც გავაკეთეთ. კლიპის დასაწყისში თითქოს სიკვდილი მოდის Askeesi-ს ფორმით, მერე კი კადრი მზისკენ ადის – რიჰა ხომ სინათლეა – და შემდეგ იწყება ჩემი ბავშვობის ვიდეოები.”

Რიგით მესამე ალბომის შემდეგ RIHA შემოქმედებით ცვლილებებს გეგმავს. თუმცა როგორც თავად ამბობს, ჯერ არ იცის, კონკრეტულად რა მიმართულებით.

მიმაჩნია, რომ რაღაც ვთქვი ჩემი მუსიკით. ესაა ჩემი ფესვების ჩემებურად აღქმა და იმ სახის ჩვენება, რასაც მუსიკით უკეთ ვამბობ, ვიდრე სიტყვებით. მუსიკა სიტყვებზე ხმამაღალია, ჩემი აზრით. ახლა სხვა ეტაპი იწყება შემოქმედებაში. სხვა გზა, რომელზეც მარტო მივდივარ. ზოგადად ვფიქრობ, რომ კარგი იქნება, მუსიკალური ქამელეონი იყო – სულ იცვლიდე სახეს, მაგრამ თან შენი რაღაცაც დატოვო. ჯერ ბოლომდე არ ვიცი როგორ, მაგრამ ვიცი, რომ შევცვლი. თუმცა ბუნებასთან კავშირი და ის, რომ ბასი მთავარია, ეს არასდროს გაწყდება RIHA-ში.”

Share
Tweet
Share
Share
Share

წინა სტატია

გიორგი გიგაშვილის, ნინი ნუცუბიძისა და კატო კვარაცხელიას კონცერტი ორბელიანის მოედანზე

შემდეგი სტატია

ვახტანგ (ბუბა) კიკაბიძე გარდაიცვალა

შეიძლება დაგაინტერესოთ

პოლ მაკარტნი Yesterday-ს ტექსტის შთაგონების გულდასაწყვეტ მომენტს იხსენებს: „მხოლოდ რეტროსპექტივაში შეგიძლია, ეს დააფასო”

A Life in Lyrics პოდკასტში მომღერალი საუბრობს ფრაზაზე: I said something wrong, now I long for yesterday და სინანულით იხსენებს მისი დაწერის ისტორიას.
მეტი

ნიკ ჰადსონი – საქართველოში მცხოვრები ბრიტანელი მუსიკოსის შემოქმედება და ხევსურეთისთვის მიძღვნილი სიმღერა

„ხევსურეთი ყველაზე ტრანსცენდენტური, თავბრუდამხვევი და ლამაზი ადგილია, რაც კი ოდესმე მინახავს და გადავწყვიტე, ამ სიმღერით მისთვის პატივი მიმეგო.”
მეტი
კანიე უესტი 2022/20223 წელს პარიზის მოდის კვირეულზე. ფოტო: სტეფანე კარდინალე

დონა სამერის სააგენტო კანიე უესტს უჩივის

ამერიკელი დისკო-ლეგენდის დონა სამერის ქონების წარმომადგენლების თქმით, კანიე უესტმა „თავხედურად და თვითნებურად“ გამოიყენა სამერის მუსიკა მას შემდეგ, რაც ლიცენზიაზე უარი მიიღო.
მეტი
ნატალია ნაყოფია

„მთავარია შთაგონება და ემოცია იყოს და ემოცია სადაც არის, იქ სიმღერა აუცილებლად იწერება.“ – ნატალია ნაყოფია

24 თებერვალს ნატალია ნაყოფიამ „დედაენა ბარში“ კონცერტი გამართა, სადაც ძველ სიმღერებთან ერთად მუსიკოსმა ახალი პროექტიდანაც შეასრულა სიმღერები.
მეტი

გიორგი რამიშვილი: „მჯერა, „ევროპაკონცერტის” შემდეგ საქართველო უფრო ახლოს იქნება ევროპასთან და ევროპა – საქართველოსთან”

„ევროპაკონცერტის” იდეა უკავშირდება ბერლინის ფილარმონიული ორკესტრის დაარსების თარიღს – 1882 წლის 1-ელ მაისს.
მეტი